Popular Bible Verses from Iza 6

Share

Má tɔn Dɛnaa lɛ ma nɔ̀n diɛ kɛnɛn: «Man die die diɛ? Die n die maa boo gii-dali biɛ?» Má a lɛ si: «Má á ke, masɛ dia.»

Maǹ nə́ goã parɛɛ, ǹ nə́ pii kɔn nɛ kɛnɛn: «N tá sonbore, n tá sonbore, n tá sonbore Dɛnaa Lawa Pàãyiidɛnaa! N tɔ golebaa tán tumaa pã.»

Má tɔ́n pɛ kəni: «Koe bɔ ma ganaa! Maa wɔ nya lenlen! A giala, man gɔ̀dɛnaa lɛa, ma bɛ́ giã-n tɔrɔn mɛnɛn dɔn bii, bɛn dɔn man gɔ̀dɛnan lɛa. A giala ma yii Kii gole yɛ, Dɛnaa Lawa Pàãyiidɛnaa lɛ!»

Ǹ kɔn pinaa, kii Oziasi a gɛ̀ lɛ̀ ganaa, má sii-nyaa yɛ: Dɛnaa na á goã giã-n tán kii dankan la, ǹ mɛn la bɛ́ lon taãn-taãnɛ, a mɔnaan nə́ Lawa a kion pã.

Á bɛa tɛ nàn lɛ naa ma lɛ ganaa, á pɛ ma-n kɛnɛn: «A saa sisia ganaa, tɛ nàn kɛ mɛ n lɛ ganaa lɔn, n sãn nə́ n toa n nɛ, n sii baraan nə́ n tuturu.»

Lon màn yiikoonaa tɛ-pɛlen man nə́ goã a mìi la. Ǹ gogoonmaa nyàa n sɔrɔ: Maǹ nyàa màn paa koe ǹ yɔrɔ lɛ, ǹ màn paa kɔ ǹ gɔ̀nɔn lɛ, ǹ piɛ̃ ka a màn paa nɛ.

Sɛnɛ, lon màn yiikoonaa tɛ-pɛle lɛ goon piɛ̃ á daa ma li, tɛ nàn ná a gɔn, á kũ ka giɔ nɛ boe-n Lawa a *wúlu bɔ ǹ bǎã nɛ.

Á tɔ́n pɛ ma nɛ: – Wo pɛ tɔrɔ kɛ-n kɛnɛn: «Ka nə n too koe sɔnbɔraa nɛ, sɛnɛ, ka a màn kɔn miɛ wa. Ka n giɛ sɔnbɔraa nɛ, sɛnɛ, ka yii á màn kɔn yii wa.»

Ǹ yiri lɔlɔkɔn, n nə ǹ too tã, n nə ǹ yii tã màn mɛn bɛ́ toɛ, ǹ yii nyan wɔlɔ yɛ wa, ǹ too nyan boo ma wa, ǹ yiri tã. Ka bɛ-n kəni, ǹ ba re wusii ǹ da ma li wa, ǹ ba re kaka koe wa.