Popular Bible Verses from BBN 2

Share

Lawa nə́ ǹ ginii lɛ ma. Lawa yiri gisĩ ka lɛ kɔ kɔn la kɛ nɛ, a din doa kɔn ka Abrahamu ni, ka Izaaki laanka Zakɔba nɛ. Lawa yii Izirayeli nɛnyaanan lɛn yɛ, á ǹ sii lɛ dɔ̃.

A bɛ́ á belebɔ bɛ kio, Ezipti gána a kii lɛ gã. Izirayeli nɛnyaanan lɛn bɛ́ nɔmaa gɔ́ɔ̃ nɛ, ǹ nə́ gini, ǹ nə́ n lɛ dɛ. Bɛa bɛ̀rɛbaa lɛ gɔ́ɔ̃ nɛ, ǹ nyankɔ dii á dɔ Lawa ganaa.

Nɛ lɛ bɛ́ á gole kɔ, á wusoo á woo kɔ kii a nɛlɔ lɛ la. A na á n baa a gɔn ka a din a nɛgiĩ bɛ́ lɔn, a ná a tɔ kɔ Muizu, (bɛ giala mà "bɔ mu li"), a giala a din mà asɛ na á bɔ mu li.

Nɛnɛn lɛ woo lɛ dia nɛ lɛ dan la. Kii a nɛlɔ lɛ pɛ-n kɛnɛn: «Wo ka nɛ kɛ nɛ, n nyɔ kɔ la n too, ma dinmaa n die n sarɛɛ.» Lɔ lɛ nɛ lɛ si á too.

Á daa yaa, bɛ̀ *Faarahɔn a nɛlɔ na á daa n zoo tà lɛ lɛ-a, bɛ á zɛnɛɛ bɛ̀ a dí-nyalin man tɔ we tà mu lɛ para li. Kii a nɛlɔ lɛ bɛ́ á tiɛ̀rɛɛn lɛ yɛ buu lɛ nɛ, a ná a dí-nyali goon dia, mà a wo saa.

Muizu bɛ́ á gole kɔ, biikoo kɔ́n dɔ, á soo á woo ǹ dɔɔ̃n Izirayeli minin li, á ǹ nɔmaa ǹ dí babaraan kɛn yɛ. Á Ezipti gána min goon yɛ a din dɔɔ̃n Ebrəə min goon dii. A bɛ́ á n yɔrɔ bɔyaa á ga a paran tumaa li, á dɔ̃ mà min banban, á Ezipti gána min lɛ dɛ, a ná a gere duru nyɔɔsɔ̃ giulun.