Popular Bible Verses from TDP 11

Share

Ka die ka a boo da kaa nɛnyaanan manɛ, ka ǹ daraa a ganaa, ta ka n giã-n tán kaa kion, ta ka n tɔ we zii la, kaa waa tán waáraa nɛ, kaa yoo lon waáraa nɛ.

Ka maa boo kɛ gũ ka foo ne, ka n yiri koa a nɛ. Màn mɛn din bɛ́ toɛ ka yiri baran bɔ-n wa, ka yii ka gɔn laanka ka nyanlɛ ganaa.

Ma bɛ́ gɔn waa ǹ boon mɛnɛn koe ka la pelo, bɛ̀ ka n too kɔ bɛn li doɛ̃ sɛn, ká kaa Lawa, Dɛnaa Lawa narɛ ká dí nya nɛ ka ka foo tumaa nɛ, ka ka gɔ́ɔ̃ tumaa nɛ, á re kaa gána lɛ a la kiɛ a biikoo li, a la bibinaan laanka a giala-nyɔmiɛ̃ kɔ ka la. Bɛ á re toɛ kaa tán-kɔsiɛ mànan nə bǐɛ̃ kɔ, ka *belee laanka duvɛ̃ yɛ, ka nyɔɔ nɛ.

Bɛ lɛ nɛ, ka kaa Lawa, Dɛnaa Lawa lɛ narɛ, a siin mɛnɛn pɛ ka nɛ mà ka ǹ tamaa, ka bɛn lɛn tamaa baraabaraa, a landa boon kɛn nɛ, a sii yɔrɔ bɔ ǹ boon ne, ka a gɔn waa ǹ boon kɛn nɛ.

Ka ga, pelo, man lɛn bǐɛ̃ laanka a baraa pii ka yii ni, ka n yii dùũ bɔ ǹ bii. Ma bɛ́ kaa Lawa, Dɛnaa Lawa a gɔn waa ǹ boon mɛnɛn pii ka-n pelo, bɛ̀ ká n too kɔ bɛn li, kaa wɔ á re bǐɛ̃ koe. Sɛnɛ, ma bɛ́ zii mɛn nyɛɛ ka-n pelo, bɛ̀ ká kanaa ká n bɔ bɛ la ká woo lawa kɔsɔn kio, ka bɛ́ ka ǹ mɛnɛn dɔ̃ lɛlɛ wa, bɛ̀ ka n too kɔ Dɛnaa Lawa a gɔn waa ǹ boon kɛn li wa, kaa wɔ na á ziziɛ̃.

Ka die ka ǹ kiɛ̃ kaa kiɛnlɛ-a ǹ goon ganaa, ka kaa kiwin wɔ ǹ kiɛnlɛn nɛ. Màn mɛn bɛ́ toɛ, Dɛnaa Lawa nə n liɛ mà á die bǎã mɛn koe ka digolon la, ka laanka kaa nɛnyaanan nə boo la ka belebɔ walan, ka lon kɛ bɛ́ lɔn tán lalan.

Ka n dinin kũ, ka nyan toa kaa taasiɛ nə n bɔyaa, ka wusoo ka wo kaa tán lawa kɔsɔn giulun, ka mà ka n bɛn guguru koe wa.