Popular Bible Verses from Vẽnegre 6

Share

Mam gesame la mam yãnda wed-moaag t'a kõbgã yaa kẽeg-kẽega. Sẽn dag n zao-a yẽnda wã yʋʋr boondame t'a kũum, la kɩɩm-kulg rag n pʋgda yẽnda. La b kõo bãmb pãn-tõog tɩ b tõog dũniyã ned a yembr neb a naas fãa sʋk n kʋ-b ne zabr sʋʋga, la kom, la bãase, la ne dũniyã we-rũmsi.

Mam gesame, la mam yãnda wed-moaag sẽn yaa pɛɛlga. Sẽn zao-a weefã ra zãada tãpo, la b kõo yẽnda maanfo. La a kẽnga wa tõaagda, n na n tõoge.

Pe-bilã sẽn sok soagdg a nu soabã, mam yãnda b sẽn dag n kʋ neb nins Wẽnnaam koɛɛgã poorẽ, la b sẽn kɩs kasetã yĩngã sɩɩs sẽn be tẽn-kugrã tẽngre.

Bãmb zẽka b koees ne pãng n yeel yaa: «Zu-soben-sõng la sɩd soaba, yãmb na n gũume hal tɩ ta dabʋr tɩ y yaool n kao dũniyã nebã bʋʋdo, la y rok y sũur tõnd zɩɩmã raagr yĩnga?» B kõo bãmb ned kam fãa fu-pɛɛlga, la b yeel-b tɩ b kell n vʋʋs wakat bilf yɛsa, hal tɩ bãmb tʋmd-n-taasã ne b ba-biisã b sẽn na n kʋ wa b sẽn kʋ bãmbã sõor pidi.

La wed-moaag a to kõbg sẽn yaa miuug wa bugum yiime. La b kõo sẽn da zao-a yẽnda wã pãn-tõog t'a yiis dũni laafɩ, tɩ nebã kood taaba. La b kõo yẽnda zabr sʋ-kãsenga.

Bala, Wẽnnaam ne pe-bilã sũ-puugrã ra-kãsengã taame, la ãndã n na n tõog n põse?»

Pe-bilã sẽn sok soagdg a yoobẽ soabã, mam gesame. Tẽn-digimdg kãseng n zĩndi. Wĩndgã lebga sablg diga wa bot sẽn wʋg ne rũm-sablg kõbdo, la kiuugã zãng lebga wa zɩɩm, la yĩngr ãdsã sʋʋga tẽngã zug wa kankang sob-kãseng sẽn wẽ t'a kankam yorge.

La bãmb sẽn sok soagdg a tãabẽ soabã, mam wʋma bõn-vɩɩg a tãabẽ soabã sẽn yeel yaa: Wa! Mam gesame, la mam yãnda wed-moaag sẽn yaa sablga. Sẽn zao-a yẽnda wã dag n zãada balãns a nugẽ. La mam wʋma bũmb sẽn wẽnd wa koɛɛg bõn-vɩɩs a naasã sʋka. A da yetame yaa: Bɩle bɛɛl ne wũmbl na n koosa hal deniye a yembre. Oorz ne wũmbl a tãab na n koosa deniye. La sã n yaa kaamã la reezẽ rãamã, ra sɩɩs-b ye.

Sa-gãongã looga wa sebr b sẽn pili. La tãmsã fãa ne tẽms nins koomã sẽn gũbgã sersa b zĩisẽ. Dũni rĩm-dãmbã la nin-kãsemsã, la a sodaas nanambsã, la a arzegs rãmbã, la a pãens rãmbã, la a yembsã, ne burkĩmbã fãa, kẽng n tɩ soonda tãms bogdẽ la tãms pĩis sʋka.