Popular Bible Verses from Filip‑rãmba 2

Share

Da maan-y bũmb baa fɩ ne geesem-geesem wall ne wuk-m-meng ye, la bɩ ned kam fãa paam sik-m-meng yam n tags tɩ neb a taaba yɩɩda yẽnda. Bɩ yãmb ned kam fãa ra ges a meng sõngr yell bal ye, la bɩ a ges neb a taaba sõngr yell me.

Paam-y yam ning a Zeezi Kiris sẽn da tarã.

Bãmb sẽn dag n tar Wẽnnaam yalẽ wã, b ka tags tɩ bãmb sẽn zem ne Wẽnnaamã, yaa bũmb b sẽn tog n gãd kãenkãe ye. La a Zeezi basa b naam n lebg wa yãmba, n dɩk yĩng wa ninsaalb wẽneg n wa wala ninsaala. A Zeezi sika b menga, halɩ n sak kũum, n ki da-pɩkã zugu.

Bala, yaa Wẽnnaam n maand b tʋʋmd yãmb pʋsẽ, la b kõt yãmb ratmã, la pãng tɩ maan wa sẽn zems bãmb daabã.

Yaa woto yĩng me n kɩt tɩ Wẽnnaam zẽk bãmb ne waoogr sẽn yaa kãsenga, n kõ-b yʋʋr sẽn yɩɩd yʋyã fãa, tɩ ne a Zeezi yʋʋre, rũma fãa sẽn be saasẽ-saasẽ, la sẽn be tẽngã zugu, la sẽn be kɩɩm-kulgã na n yĩgimdame, la tɩ zɛlmã fãa na n kɩsa kaset t'a Zeezi Kiris yaa fãagda, tɩ yɩ tõnd ba a Wẽnnaam waoogr yĩnga.

Maan-y bũmba fãa tɩ yẽgeng ne no-koɛɛm kaẽ ye. Tɩ yãmb na yɩ neb sẽn ka tar yelle, la sẽn yaa yɩlma. Tɩ yãmb na yɩ Wẽnnaam kamb sẽn ka tar rõadg ye, zamaan‑kãnga nebã sẽn sãam la sẽn yaa wẽnsã sʋka, yãmb yãgda bãmb sʋk wa vẽenem dũniyã pʋga

Woto, m zo-nongdse, wa yãmb sẽn sak wakat fãa wã, bɩ y tʋm fãagrã tʋʋm ne rabeem la rigbu, la ka mam sẽn da be yãmb sʋkã bal ye, la bɩ y tʋm moasã mam sẽn ka be yãmb sʋkã n yɩɩda.