Popular Bible Verses from Sõdbo 14

Share

Bũmb ning sẽn be bala, bɩ y ra kɩɩs Sẽn-Ka-Saab noorã, la y ra zoe tẽn-kãngã nebã ye. Tõnd na n tõog-b lame. Bala, bãmb wẽnnaam-dãmbã bas-b lame. La Sẽn-Ka-Saab bee ne tõndo. Dẽ wã, bɩ y ra zoe bãmb ye.»

Yãmb yeelame: «Mam yaa Sẽn-Ka-Saabo, mam yaa sũ-maasem soaba, la maan-neer soaba. Mam kõta yel-wẽn ne kɩɩsg sugri. La mam ka basd yel-wẽnã soab taal ye. Mam sɩbgda yẽnda ne a yagensã hal tɩ ta zamaan a tãabo, wall a naase.

Tẽngã tara bĩisim ne sɩɩd wʋsgo. Sẽn-Ka-Saab sã n nong tõndo, bãmb na n talla tõnd n tɩ kẽes tẽn-kãng pʋgẽ, la b na n deega tẽngã n kõ-do.

La mam tʋmtʋmd a Kalɛɛb paama yam toor n sak m noorã. Rẽ wã yĩnga, mam na n kɩtame tɩ yẽnda kẽ tẽng ning a sẽn tɩ gesã pʋgẽ, la m kɩt tɩ tẽn-kãng lebg yẽnda kambã ne a yagensã rẽnda.

Ade, kẽng-y n tɩ yeel-b tɩ maam a Sẽn-Ka-Saab sẽn vɩ wã meng wẽendame n yetẽ: Mam na n maana bãmb wa sẽn zems b no-goamã.

Dẽ, Sẽn-Ka-Saab yeela a Moyiis yaa: «Nin-bãmbã na n kell n kɩɩsa maam hal tɩ ta dabʋre? Baa ne bõn-bãn-kãsems nins mam sẽn maan bãmb sʋkã, bãmb ket n ka tẽed maam ye.

Dẽ, bãmb yẽgma ne a Moyiis la a Aarõ n yeel-b yaa: «Tõnd sã n dag n kiẽ Ezɩpt tẽngã, bɩ weoogã pʋg n são.

A Nun biig a Zozoe, ne a Yefune biig a Kalɛɛb sẽn yaa neb nins sẽn tɩ ges tẽngã sʋk neb a yiibã sũy sãama hal wʋsgo, tɩ b pãrs b futã. La bãmb yeela nebã yaa: «Tẽng ning tõnd sẽn kẽng n tɩ gesã yaa tẽn-sõng wʋsgo.

Sã n yaa tɩ mam vɩɩme, la mam ziirã sã n pida dũniyã gilli, mam wẽendame tɩ nin-bãmbã ba a yembr ka na n kẽ Kana tẽngã pʋg ye. Bala, bãmb yãnda mam ziirã ne tʋʋm-kãsems nins mam sẽn maan Ezɩpt pʋgẽ wã, ne weoogã pʋgã, la b baas n yaool n kell n paooga maam la b kɩɩs maam. Rẽ yĩngã, bãmb ned ba n ye nif ka na n yãnd tẽng ning mam sẽn dag n kãab b yaab-rãmbã ye.