Popular Bible Verses from A Matye koe‑noogo 7

Share

Kos-y tɩ b na n kõ-y lame. Bao-y tɩ y na n yãndame. Kabs-y tɩ b na n paka kʋɩlengã tɩ y kẽ.

Bala, ned ning sẽn kot‑a na paame, ned ning sẽn baood‑a na n yãndame, la b na n paka kʋɩleng tɩ ned ning sẽn kabsd kẽ.

Woto yĩnga, ned ning fãa sẽn wʋmd goam nins mam sẽn yetã n tũudẽ, yẽnda na n yɩɩ wa yam soab sẽn me a roog kugr zugu.

Yãmb sẽn dat tɩ nebã maan yãmb bũmb ningã, bɩ yãmb me maan bõn-kãens me n kõ‑ba. Yõwã yaa Wẽnnaam tõogo la b no-rɛɛsdbã noore.

La zag-noor ning sẽn kẽesd vɩɩm pʋgẽ wã yaa sẽka, tɩ sor ning sẽn dabd-a be wã yaa bãanega, la yaa neb bilf bal n yãt-a.

Tũ-y zag-no-sẽkã n kẽ. Bala, zag-noor ning sẽn kẽesd sãoong zĩigẽ wã, ne sor ning sẽn dabd-a be wã yaa yalemse, la neb wʋsg n tũud be.

Dẽ, yãmb sẽn yaa nin-wẽnsã sã n mi tɩ kõ y kambã bõn-sõama, ka Wẽnnaam n mi n yɩɩd n na n kõ neb nins sẽn kot bãmbã bõn-sõama sɩda?

Da bʋ-y neb a taab bʋʋdo, tɩ b ra wa bʋ yãmb bʋʋd ye. Bala, yãmb sẽn bʋʋd nebã bʋʋd to-to wã, b na n bʋʋ yãmb me bʋʋd a woto. Yaa ne makdg ning yãmb sẽn tar n makdẽ wã la b na n mak n lebs yãmba.

La ned ning fãa sẽn wʋmd goam nins mam sẽn yetã n ka sakdẽ, yẽnda na n yɩɩ wa yalem sẽn me a roog bĩisr zugu.

Yaa bõe tɩ fo ne moogã sẽn be f ba-biigã nifẽ n yaool n ka ne sug-raoogã sẽn be fo mengã nifẽ wã? Walla fo na n maana a wãn n yeel f ba-biig t'a bas tɩ f yãk moog sẽn be a nifẽ, tɩ sug-raoog yaool n be f rẽndẽ?

Gũus-y yãmb mens ne zĩrẽ no‑rɛɛsdbã sẽn wat yãmb sʋk wa piis tɩ b pʋsẽ wã, b yaa digd-n-yĩid-toosã. Biis nins bãmb sẽn womdã n na n kɩt tɩ yãmb bãng-ba. Dẽ yĩnga yãmb kaooda sib kɛglg zugu, walla y wobd kankam gõpayãndg zugu?

Tɩ-sõng fãa womda bi-sõama, la tɩ-wẽng fãa womda bi-yoodo.

Tɩ-sõng ka tõe n wom bi-yood ye, la tɩ-wẽng me ka tõe n wom bi-sõama ye.

B kɛɛda tɩɩg ning fãa sẽn ka womd bi-sõama wã n tugund bugum.