Popular Bible Verses from A Matye koe‑noogo 19

Share

A Zeezi ges-b lame n yeel-ba: «Ne ninsaala bõn-kãng ka tõe ye, la Wẽnnaam tõe bũmb fãa.»

Woto, b ka leb n yaa neb a yiib ye, b yaa yĩng a yembre. Dẽ yĩnga, bɩ ninsaal da welg bũmb nins Wẽnnaam sẽn lagem ne taabã ye.

La a Zeezi leokame n yeele: «Yãmb ka karem tɩ hal sɩngr wẽndẽ, Naandã naan-b-la rao ne pag laa?» La b yeele: «Yaa woto yĩng tɩ rao na n bas a ba ne a ma n zĩnd ne a paga, la bãmb b yiibã na n yɩɩ yĩng a yembre.»

La a Zeezi yeelame: «Bas-y kom-bãoonegã, tɩ b wa mam nengẽ la y ra gɩdg-b ye. Bala, arzãn soolem yaa neb nins sẽn wẽnd bãmbã yĩnga.»

Dẽenem dãmb wʋsg n na n lebg yaoolem dãmba, tɩ yaoolem dãmb wʋsg lebg dẽenem rãmba.

La ned ning fãa sẽn na n bas a yiri, a ba-bi-raopa, a ba-bi-pogse, a ba, a ma, a paga, a kamba wall a pʋʋg mam yʋʋrã yĩnga, a na n paama bũmb nins a sẽn basã buud naoor koabga, la a paam vɩɩm sẽn kõn sɛ wã.

A Zeezi yeel-a lame yaa: «Fo sã n dat n zems zãnga, kẽng n tɩ koos fo sẽn tarã, n dɩk ligdã n kõ naong rãmba, la fo na paam paoong arzãn pʋga. La f wa n tũ maam.»

A Zeezi leoka yẽnda n yeele: «Yaa bõe tɩ fo sokd maam n dat n bãng sẽn yaa sõama? Ned a yembr bal n yaa sõama. Fo sã n dat n kẽ vɩɩm sẽn kõn sa wã pʋgẽ, bɩ f sak tõodã.»

Mam leb n yeta yãmb tɩ yʋgemd sẽn na n tũ fu-pĩim yõorẽ n loog yaa naana n yɩɩd arzɛk soab sẽn na n kẽ Wẽnnaam soolem pʋga.»

La mam yeta yãmb tɩ ned sã n dig a paga, tɩ sã n ka yoob yĩnga, n dɩk a to, a maanda yoobo.»

Dẽ, a Zeezi yeela b karen-biisã yaa: «Sɩd-sɩda, mam yeta yãmb t'a na n yɩɩ toog ne arzɛk soab t'a kẽ arzãn soolem pʋga.