Popular Bible Verses from A Zozoe 7

Share

Israyɛll nebã beegame. Bãmb sãama kaool ning mam sẽn dag n maan ne bãmbã. Bãmb yãka bũmb ning sẽn yaa kisgã. B zuk-a lame n solge, b bĩng-a-la b teedã pʋga.

Yik n yɩlg nebã la f yeel-b tɩ b maneg b mense, n yɩ yɩlma beoog yibeoogo, bala, Sẽn-Ka-Saab sẽn yaa Israyɛll Wẽnnaamã yetame: Israyɛll nebã, bũmb ning sẽn kisã bee yãmb sʋka. Yãmb sã n ka yiis bũmb ning sẽn kisã yãmb sʋka, yãmb kõn tol n tõog n yals y bɛɛb taoor ye.

Rẽ wã yĩnga, Israyɛll nebã kõn tol n tõog n yals n zab ne b bɛɛbã ye. Bãmb bɛɛbã na n dig-b lame tɩ b zoe, bala kãab-wẽngã bee b zutu. Yãmb sã n ka menes bũmb ning sẽn yaa kisgã yãmb sʋka, mam ka na n leb n zĩnd yãmb sʋk ye.