Popular Bible Verses from A Zozoe 10

Share

La wĩntoogã ka serg a zĩigẽ ye, la kiuugã me yalsame, hal tɩ nebã rok b sũur ne b bɛɛbã. B gʋlsa a woto nin-tɩrg sebrẽ wã: Wĩntoogã yalsa sa-gãongã sʋk n kaoos sẽn kolg daar tõre, n ka kẽ ye.

Dẽ, daar ning Sẽn-Ka-Saab sẽn kɩt tɩ Israyɛll nebã tõog Amoor-dãmbã, a Zozoe goma ne Sẽn-Ka-Saab Israyɛll nebã nifẽ n yeel yaa: «Wĩntoogã, yals Gabawõ zugẽ! Kiuugã, fo me yals Ayalõ longẽ wã.»

Daar sẽn wẽnd woto dag n nan zɩ n zĩnd ye. A buud ka zĩnd sẽn deng rẽndã, wall rẽ loogr poore, tɩ Sẽn-Ka-Saab sak ninsaal noor a woto ye. Bala, yaa Sẽn-Ka-Saab n dag n zabd n sõngd Israyɛll nebã.

Sẽn-Ka-Saab yeela a Zozoe yaa: «Ra zoe-b lɛlɛ ye. Bala, mam na n kɩtame tɩ f tõog-ba, la b ned ba a ye kõn tol n tõog n teeg a yãoog fo taoor ye.»

La a Zozoe yeela bãmb yaa: «Da zoe-y rabeem la y ra yɛɛs ye! Keng-y y mense, la y paam raoodo. Bala, Sẽn-Ka-Saab na n maana yãmb bɛɛb nins fãa y sẽn zab ne wã a woto.»