Popular Bible Verses from A Zozoe 1

Share

Mam ka yeel foom tɩ f keng f meng n paam daood la? Da zoe rabeem ye, da yɛɛs ye. Bala, Sẽn-Ka-Saab sẽn yaa fo Wẽnnaamã na n zĩnda ne foom zĩig ninga fãa fo sẽn na n kẽnge.»

Karem tõogã koees daar fãa, n tags a yell wĩndg la yʋngo, n sak n maan wa bũmb nins sẽn gʋls a pʋgẽ wã. Yaa woto la f na n tõog n maan f tʋʋmã tɩ yɩ sõama, la yaa woto la f na n tõog ne f tʋʋmdã.

Fo we n keng f meng n paam daood bala, la f mao n sak tõog ning mam tʋmtʋmd a Moyiis sẽn kõ foomã neere. Fo sã n dat n paam tõogr ne bũmb nins fãa fo sẽn na n maanã, bɩ f ra bʋdg n leb goabg bɩ rɩtg ye.

Fo vɩɩmã tɛka, ned ba a ye kõn tõog n teeg a yãoog ne foom ye. Bala, mam na n zĩnda ne foom wa m sẽn zĩnd ne a Moyiisã. Mam na n yãaga foom, la mam kõn tol n bas n ka sõng-f ye.

Keng f meng n paam daoodo. Bala, yaa foom n na n kɩt tɩ m nebã soog tẽng ning mam sẽn wẽen n yeel b yaab-rãmbã tɩ m na n kõ-b lame wã.

Mam kõta yãmb zĩig ning fãa yãmb naoor sẽn na n tabge, wa mam sẽn dag n yeel a Moyiisã.

«Mam tʋmtʋmd a Moyiis kiime. Moasã, bee ne foom tɩ f yik n tall nebã fãa n dʋʋg Zʋrdẽ kʋɩlgã n kẽng tẽng ning mam sẽn kõt Israyɛll nebã.

Sẽn-Ka-Saab tʋmtʋmd a Moyiis kũumã zugẽ, Sẽn-Ka-Saab goma ne a Nun biig a Zozoe sẽn yɩ a Moyiis rakõorã n yeele

Yãmb soolmã na n sɩnga ne we-raoogã, la Libã tãmsã yãmb sẽn ne wã, hal tɩ ta kʋɩl-kãsengã b sẽn boond tɩ Efratã, la Hɛt-rãmba tẽngã fãa, n tɩ ta ko-kãsengã sẽn be wĩndgã sẽn lʋɩtẽ wã.

Ned ning fãa sẽn na n kɩɩs yãmb koɛɛgã, la a zãgs t'a ka na n sak yãmb sẽn yeel bũmb ning fãa wã, a sɩbgr na n yɩɩ kũum. Yãmb we n paam daoodo, la y keng y menga.

«Saag-y tãb-sikã fãa n yeel nebã yaa: Bao-y rɩɩb sẽn na n zã, bala, keta rasem a tãab tɩ yãmb pɩʋʋg Zʋrdẽ kʋɩlgã n tɩ reeg tẽng ning Sẽn-Ka-Saab sẽn yaa yãmb Wẽnnaamã sẽn kõ yãmb tɩ y soogã.»