Dẽ, Galaad nebã kẽng n tɩ gɩda Zʋrdẽ kʋɩlgã zĩ-rʋʋgdsã sẽn be Efrayiim kɩrengã. Woto, b sã n yãnd Efrayiim ned sẽn zoet n wat n na n dʋʋg kʋɩlgã, Galaad nebã sokd-a lame: «Fo yaa Efrayiim ned bɩ?» La a leokdame tɩ ayo. Dẽ, bãmb yet-a lame yaa: «Beneere, bɩ f yeel tɩ Sɩbolɛte.» La a yetame tɩ fɩbolɛte, bala, yẽnda ka tõe n yeel tɩ zems ye. Dẽ, b yõkda yẽnda n kʋ Zʋrdẽ kʋɩlgã zĩ-rʋʋgdgẽ wã. Wakat-kãnga, b kʋʋ Efrayiim neb tus pis-naas la a yiibu.
