Popular Bible Verses from Ebre‑rãmba 11

Share

La tẽeb yaa pɛl-kɛgeng ned sẽn tar ne bũmb nins a sẽn tẽed t'a na paamame, la a yaa bũmb nins ned sẽn ka ne wã wilgri. Yaa tẽebã yĩng la kʋdem-dãmbã paam kaset-sõngo.

La tẽeb sã n kaẽ, ned ka tõe n ta Wẽnnaam yam ye. Ned ning sẽn wat Wẽnnaam nengẽ tog n tẽeme tɩ b beeme, la tɩ b ronda neb nins sẽn baood bãmbã.

Yaa ne tẽeb la tõnd wʋmd tɩ yaa Wẽnnaam noor gomd n naan dũni, tɩ bũmb nins tõnd sẽn ne wã ka yi bũmb nins sẽn tõe n yãndã wã pʋgẽ ye.

Yaa ne tẽeb la a Abrahaam sak Wẽnd boolle, n yi n tees tẽng ning Wẽnnaam sẽn na n kõ-a t'a soogã. La a yiime n da ka mi a sẽn dabdẽ ye. Yɩɩ ne tẽeb la a kẽng n tɩ zĩnd tẽng ning Wẽnnaam sẽn kãab-a wã, wa tẽn-sãanga, n zĩnd fu-rot pʋse, ne a Izak la a Zakoob sẽn na n soog bũmb ning sẽn kãabã.

Yaa ne tẽeb la a Nowe, wakat ning Wẽnnaam sẽn wilg-a bũmb nins neb sẽn dag n nan zɩ n yã wã, a zoee Wẽnnaam dabeem, n ka koom-kogl-bedre, n na n fãag a yirã rãmba. Yaa tẽebã yĩng la a wilg tɩ dũni ka bʋʋm ye, la a paam tɩrlem sẽn paamd ne tẽebã.

Yaa ne tẽeb la a Henok paam tɩ b zẽk-a, t'a ka ki ye. Nebã ka leb n yãnd-a ye, tɩ bõe Wẽnnaam zẽk-a lame. Sẽn deng a zẽkre, a paama kaset t'a taa Wẽnnaam yam.

Yaa ne tẽeb la a Abɛll maan maoong sẽn be yõod n yɩɩd a Kaẽ rẽndã n kõ Wẽnnaam. Tẽebã yĩnga, Wẽnnaam yeelame t'a Abɛll yaa nin-tɩrga. Bãmb mengã kɩsa yẽnda kũum kaseto, la tẽebã yĩnga, baa ne a Abɛll sẽn ki wã, a ket n gomdame.

Yaa ne tẽeb la a Saara menga, baa ne a sẽn kʋʋl wʋsgã, Wẽnnaam kɩtame t'a tõog n dog biiga, bala, a maana tẽeb tɩ soab ning sẽn kãab-a wã pidsda a sẽn kãabe.

Bala, a dag n gũuda tẽng sẽn tar yẽbgr sẽn yaa kãenkãe, Wẽnnaam meng sẽn yaa a meebã magda la a meta.

Yɩɩ ne tẽeb la a Moyiis sẽn wa n bɩ, n tõdg tɩ b kõn bool-a tɩ Faarõ bi-puglã biigã. Bala, sẽn noom yẽnda n yɩɩd yaa tɩ naag ne Wẽnnaam nebã n paam namsgo, la ka tɩ paam sũ-noog ning yel-wẽnã sẽn kõt wakat bilf yĩngã ye. Sɩda, a dag n getame tɩ yẽndã sã n paam yãnd ning Kirisã sẽn na n paamã yaa arzɛk n yɩɩd Ezɩpt arzegsã. Bala, a long n geta keoorã sẽn be yɩɩgã. Yɩɩ ne tẽeb la a yi Ezɩpt n ka zoe rĩmã sũ-puugr ye. A yalsa kãenkãe, wa ned sẽn ne bũmb nins neb sẽn ka tõe n yã.

Yaa ne tẽeb la wakat ning a Abrahaam sẽn paam makre, a rɩka a biig a Izak n kõ Wẽnnaam. Yaa a bi-ribl‑yend la a rɩk n kõ Wẽnnaam, tɩ yaool n yaa yẽnda la Wẽnnaam kãab bũmb toay-toayã

Yɩɩ ne tẽeb la pʋg-yoodr a Rahaab ka naag ne ka-tẽebã rãmb n sãam ye, bala, a reega tẽn-gũusdbã ne laafɩ.

Yɩɩ ne tẽeb la b pɩʋʋg mog-miuugã wa tẽn-koɛɛnga, la Ezɩpt nebã sẽn mak n na n pɩʋʋgã, koomã rɩ-b lame.

Yɩɩ ne tẽeb la Zeriko lalsã lʋɩ yã, nebã sẽn gilg-a dasem a yopoe wã poore.

Yɩɩ ne tẽeb la a maan Pakã, la a mes zɩɩm, tɩ sãamdã da wa sɩɩs Israyɛll nebã kom-dẽemsã ye.

Yaa ne tẽeb la a Zozɛf sẽn wa n kolg kũum, a goma a Israyɛll kambã yikr yelle, la a yeel b sẽn na n maan yẽnda kõabã to-to.

Yɩɩ ne tẽeb la a Zakoob sẽn wa n na n ki wã, a ninga a Zozɛf kambã zut barka, la a tik a dasaarã n wõgemde.

Yaa ne tẽeb la a Izak ning a Zakoob ne a Ezayu bark nindaar beoog yĩnga.