Popular Bible Verses from A Ezekɩyɛlle 37

Share

Dẽ, bãmb yeela maam: «Togs pĩnd-n-bãngr goam n yeel kõabã yaa: ‹Kõb-koeemse, kelg-y Sẽn-Ka-Saab koɛɛga!» Ade, Zu-soab a Sẽn-Ka-Saab yeta yãmb a kõabã yaa: «Mam na n kɩtame tɩ vʋʋsem wa kẽ yãmba, tɩ y leb n vɩɩmde.

Mam na n kõo yãmb gĩina, n kɩt tɩ yĩn-nemd zĩnd y zugu, la m lud-y ne yĩn-gãongo, la mam na n kõo yãmb vʋʋsem n kɩt tɩ y paam vɩɩm. Woto, yãmb na n bãngame tɩ mam yaa Sẽn-Ka-Saabo.»

Sẽn-Ka-Saab soka maam yaa: «Ninsaala, kõb-kãensã tõe n leb n paama vɩɩm bɩ?» La mam leokame: «Zu-soab a Sẽn-Ka-Saabo, yãmb n mi bõn-kãense!»

Sẽn-Ka-Saab nugã gãda maam. Sẽn-Ka-Saab Sɩɩgã rɩka maam n tɩ sik tãn-long pʋga. Tãn-longã rag n pida ne kõaba. Sẽn-Ka-Saab kɩtame tɩ mam gilg n ges kõabã, la b rag n yaa wʋsg longã pʋga, la b rag n kʋɩɩ hal wʋsgo.

Mam togsa pĩnd-n-bãngr goam wa bãmb sẽn yeel maamã. La mam sẽn wa n gomdã wakate, bʋrg n maane. Tẽngã rigimdame, la kõaba sersame n kolg taaba. Mam gesame, la m yãame tɩ b tara gĩina. Yĩn-nemd sɩngame n tobdẽ, la yĩn-gãong n lud-ba, la b yaool n dag n nan ka tar vʋʋsem b pʋgẽ ye.