Popular Bible Verses from A Ezekɩyɛlle 2

Share

La a sẽn yeel maam woto wã bal yee, sɩɩg n wa n kẽ maam n kɩt tɩ m yik n yals yĩngri. Dẽ, mam dag n kelgda ned ning sẽn gomd-a ne maamã. A yeela maam yaa: «Ninsaala, yaa maam n tʋmd foom Israyɛll nebã nengẽ, buud ning sẽn yaa tõatã nengẽ, buud ning sẽn kɩɩs-a maamã nengẽ. Bãmb ne b yaab-rãmbã kɩɩsa maam hal n tãag rũndã.

Bãmb kelgɩ foom woo, b ka kelg-f woo, togs-b mam goamã! Bala, b yaa nin-tõtse. La foom a ninsaala, kelg mam sẽn yet foomã: ‹Ra yɩ tõat wa nin-bãmbã sẽn yaa buud sẽn yaa tõatã ye! Yaag f noor n deeg mam sẽn na n kõ foomã n wãbe!› »

B kelgɩ woo, b ka kelg woo, b na n bãngame tɩ Wẽnnaam no-rɛɛs n be b sʋka. Bala, bãmb yaa buud sẽn yaa tõata.