Popular Bible Verses from Yikri 7

Share

Sẽn-Ka-Saab yeela a Moyiis yaa: «Ade, mam na n kɩtame tɩ fo yɩ wa wẽnnaam Faarõ nifẽ. La fo saam-biig a Aarõ na n yɩɩ fo no-rɛɛsa.

La maam, mam na n kɩtame tɩ Faarõ keng a sũuri, la Ezɩpt soolmã pʋgẽ, mam na n maana bãn ne bõn-bãn n yɩlme. La Faarõ ka na n kelg yãmb ye. Dẽ, mam na n tẽega m nug Ezɩpt soolmã zug n sɩbg bãmb ne sɩbgr sẽn yaa kãsenga, la m na n yiisa Israyɛll nebã sẽn yaa m tãb-biisã Ezɩpt soolmã pʋgẽ.

Wakat ning mam sẽn na n tẽeg m nugã Ezɩpt tẽngã n yiis Israyɛll nebã bãmb sʋkã, Ezɩpt rãmbã na n bãngame tɩ mam yaa Sẽn-Ka-Saabo.»

La Faarõ me boola yam dãmba ne tɩtã-rãmbã. Dẽ, Ezɩpt tɩtã-rãmb me maana woto ne bãmb tɩɩmã. Bãmb fãa loba b rasabã tẽnga, la b lebga wiisi. La a Aarõ dasaarã vela bãmb dẽndã.

Dẽ, ad Sẽn-Ka-Saab sẽn yeta: Yaa ne bõn-kãngã la fo na n bãng tɩ mam yaa Sẽn-Ka-Saabo: Ade, mam na n wẽe Nill kʋɩlgã koom ne dasaar ning sẽn be mam nugẽ wã, la koomã na n lebga zɩɩm.

«Faarõ sã n yeel yãmb tɩ y maan bõn-bãnde, bɩ f yeel a Aarõ t'a rɩk a rasaarã n lob tẽng Faarõ taoore, la rasaarã na n lebga waafo.» La a Moyiis ne a Aarõ kẽnga Faarõ nengẽ n tɩ maan wa Sẽn-Ka-Saab sẽn yeel bãmbã. A Aarõ loba a rasaarã tẽng Faarõ ne a tʋmtʋmdbã fãa taoore, la rasaarã lebga waafo.