Popular Bible Verses from Tõodo 28

Share

Yãmb sã n sɩd kelg Sẽn-Ka-Saab sẽn yaa yãmb Wẽnnaamã koɛɛgã n gũus y mens n sak tõod nins mam sẽn kõ yãmb rũndã wã, Sẽn-Ka-Saab sẽn yaa yãmb Wẽnnaamã na n zẽka yãmb tɩ y yɩɩg buud a taabã fãa sẽn be dũniyã zugã.

Ad bark nins fãa sẽn na n sig yãmb zugu, yãmb sẽn na n sak Sẽn-Ka-Saab sẽn yaa yãmb Wẽnnaamã koɛɛgã yĩnga

Yãmb sã n kelg Sẽn-Ka-Saab tõod nins mam sẽn kõt yãmb dũndã wã neer n sak-ba, la y ka bʋdg goabg bɩ rɩtg n bas goam nins mam sẽn wilg yãmb dũndã wã, n tũ buud a taab wẽnnaam-dãmba, Sẽn-Ka-Saab na n kɩtame tɩ yãmb yɩ zugu, n da yɩ zʋʋr ye. Yãmb na n yɩ taoor-dãmba, y ka na n yɩ poorẽ dãmb ye.

Sẽn-Ka-Saab na n paka saasã sẽn yaa bãmb laog-sõngã zĩigã n kɩt tɩ saag ni sẽn zems a wakat yãmb tẽngã pʋgẽ. La bãmb na n ninga yãmb nus tʋʋmã fãa barka. Buud wʋsg na n wa pemsa yãmba, la yãmb kõn peng bũmb bãmb nengẽ ye.

Sẽn-Ka-Saab na n kɩtame tɩ y tõog y bɛɛb nins sẽn dat n zab ne yãmbã. Bãmb sã n yi n na n zab ne yãmba, b na n tũu sor a ye n wa. La yãmb na n diga bãmb tɩ b tũ soay a yopoe n zoe.

Sẽn-Ka-Saab na n kɩtame tɩ barkã zĩnd yãmb baoã ne y tʋʋmã pʋga. Bãmb na n kɩtame tɩ barkã zĩnd yãmb tẽng ning Sẽn-Ka-Saab sẽn yaa yãmb Wẽnnaamã sẽn kõ yãmbã pʋgẽ.

Yãmb na n paama bark y kõom la y yiib wakate.

Yãmb na n paama bark y tẽngã ne y pʋʋgã pʋga.

Yãmb kambã la y rũmsã kamba, y rũm-bɛdã ne y rũm-bãoonegã kamb na n paama barka.

Yãmb sã n sak Sẽn-Ka-Saab tõodã la y tũ bãmb sorã, bãmb na n welga yãmb toor b meng yĩng wa b sẽn dag n wẽen n yeel yãmbã.

Yãmb peoogã ne y teoogã ne y koodã na n paama barka.

Sẽn-Ka-Saab na n maana yãmb neer wʋsgo, n kɩt tɩ yãmb kambã ne y rũmsã la y koodã fɩɩg tẽng ning bãmb sẽn dag n wẽen n yeel y yaab-rãmbã tɩ b na n kõo yãmbã pʋgẽ.

Neb nins fãa sẽn be tẽng zugã na n yãame tɩ b boond yãmb ne Sẽn-Ka-Saab yʋʋre, la bãmb na n zoee yãmba.

Yãmb sã n kelg Sẽn-Ka-Saab tõod nins mam sẽn kõt yãmb dũndã wã neer n sak-ba, la y ka bʋdg goabg bɩ rɩtg n bas goam nins mam sẽn wilg yãmb dũndã wã, n tũ buud a taab wẽnnaam-dãmba, Sẽn-Ka-Saab na n kɩtame tɩ yãmb yɩ zugu, n da yɩ zʋʋr ye. Yãmb na n yɩ taoor-dãmba, y ka na n yɩ poorẽ dãmb ye.

La yãmb sã n ka kelg Sẽn-Ka-Saab sẽn yaa yãmb Wẽnnaamã koɛɛgã, n gũus y mens n sak tõodã ne minind nins fãa mam sẽn kõ yãmb dũndã wã, ad kãab-wẽns nins sẽn na n paam yãmba