Bãng tɩ yaoolem wakate, tood na n zĩndame. Bala, nebã na n yɩɩ beed-rãmba, ligd-noangdba, yʋ-baoodba, wilg-m-mens rãmba, wẽn-paoogdba, ba-rãmb kɩɩsdba, zɩ-beoog-rãmba, neb toog sẽn ka be ne sõmblem, sẽn ka mi nimbãan-zoeere, nen-kegems rãmba, tẽn-kãn-nebã, sẽn ka tar yõk-m-menga, nin-wẽnse, nin-sõamyã bɛɛba, zãmb rãmba, sũ-tʋʋls rãmba, tɩ wuk-m-meng leo b ninã, tɩ b nong b sũ-noogã n yɩɩd b sẽn nong Wẽnnaamã. B na n maanda wa b sakda Wẽnnaam, la b yaool n na n kɩɩsa sakrã pãnga. Zãag f meng ne nin-bãmbã.
