Popular Bible Verses from 2 Pɩyɛɛre 3

Share

Wẽnnaam ka basd tɩ bãmb sẽn kãabã kaoos n pids wa neb kẽer sẽn tagsdã ye. La yaa tɩ bãmb maanda sũ-mar ne yãmba, b sẽn ka rat tɩ ned baa a yembr sãama yĩnga. Bãmb ratem yaa tɩ yãmb fãa tek yam n kos sugri.

Mam zo-nongdse, bũmb a yembr n be yãmb sẽn ka tog n yĩm ye, yaa tɩ ne Zu-soabã, daar a yembr yaa wa yʋʋm tusri, la yʋʋm tusr yaa wa daar a yembre.

Bɩ yãmb bɩ tõnd Zu-soabã la d Fãagd a Zeezi Kiris barkã pʋgẽ, la y bãngd-b yellã n paasdẽ. Bãmb n so ziir sẽn sɩng ne moasã hal tɩ ta wakat sẽn kõn sa.

Zu-soabã daar na n waa wa wagdre. Badaare, saasẽ na n looga ne bʋr-kãsenga. Bugmã sẽn kok teed ninsã na n yẽnegame, la dũni wã ne bũmb nins sẽn be a pʋgẽ wã na n dɩɩ bugum.

Rẽ wã yĩnga, bõn-kãensã fãa sẽn na n wa n yẽnegã yĩnga, ges-y tɩ yãmb yel-manesmã ne y Wẽnnaamã tũub yɩ sõama! Gũu-y-yã, la y modg n kɩt tɩ Wẽnnaam daarã wa tao-tao. Yaa daar ning saasẽ sẽn kok bugmã sẽn na n yẽneg tɩ teedã fãa me sẽn kok bugum na n yẽnegã.