Popular Bible Verses from 2 Pɩyɛɛre 1

Share

Wẽnnaam pãngã kõo tõnd bũmb ning fãa sẽn tõe n sõng tõnd tɩ d vɩɩmd Wẽnnaamã tũudum pʋgẽ, la a kɩt tɩ d bãng soab ning sẽn bool-a tõnd tɩ d paam bãmb ziirã ne b sõmblmã. Yaa bõn-kãens maasem yĩng la b kõ tõnd kãabs nins sẽn yaa sõama la kãsemsã, tɩ yãmb sã n zoe n bas ratem-wẽnsã sẽn be dũniyã n wat ne sãoongã, kãab‑kãens yĩnga, yãmb na paam Wẽnnaam yalẽ wã.

La bõn-kãng yĩng me, maan-y y pãng sẽn tõe fãa, tɩ y tẽebã naag ne sõmblem, tɩ y sõmblmã naag ne bãngre. La bãngrã pʋgẽ, bɩ y mao n paas yõk-m-menga la yõk-m-menga pʋgẽ, bɩ y paas sũ-tõogo, la sũ-tõogã pʋgẽ, bɩ y paas Wẽnnaam sakre. La Wẽnnaam sakrã pʋgẽ, maan-y taab ba-biir manesem la ba-biirã manesem pʋgẽ, paas-y nonglem.

Sɩd me, bõn-kãensã sã n be yãmb pʋsẽ, la b sã n paamd pãng be n paasdẽ, b na n kɩtame tɩ yãmb maan tʋʋmã la y wom biis sẽn na n kɩt tɩ yãmb bãng tõnd Zu-soab a Zeezi Kiris n paase.

M ba-biisi, yaa woto yĩnga, modg-y n yals-y kãenkãe Wẽnnaam sẽn bool yãmbã pʋgẽ, la b sẽn yãk yãmbã pʋgẽ, yãmb sã n maan woto, yãmb kõn tol n bʋdg n bas y tẽebã ye.