Popular Bible Verses from 2 Rĩm-dãmba 20

Share

«Lebg n kẽng n tɩ yeel mam nebã naab a Ezekɩyaas yaa: ‹Sẽn-Ka-Saab sẽn yaa fo yaab a Davɩɩd Wẽnnaamã yetame: Mam wʋma fo pʋʋsgã, mam yãnda fo nintãmã. Ade, mam na n maaga f bãagã, tɩ ka ne rasem a tãabo, bɩ f kẽng Sẽn-Ka-Saab roogẽ wã.

«Sẽn-Ka-Saabo, m kotame tɩ y tẽeg m yelle, m kotame tɩ y tẽeg tɩ mam dag n tũuda yãmb ne sɩda la ne m sũur fãa, la mam maana sẽn noom yãmba!» La a Ezekɩyaas yãba nintãm wʋsgo.

Wakat-kãnga, rĩm a Ezekɩyaas lʋɩɩ bãag sẽn dat n kʋ-a. La a Amots biig a Ezayi sẽn yaa Wẽnnaam no-rɛɛsã waa yẽnda nengẽ n yeel-a yaa: «Ade, Sẽn-Ka-Saab yetame: Maneg f zakã yɛla. Bala, fo ka na n leb n vɩɩmd ye. Fo na n kiime.»

Mam na n paasa fo vɩɩmã woglem yʋʋm piig la a nu. Mam na n fãaga foom ne tẽn-kãngã Asiiri rĩmã nugẽ. Mam mengã yʋʋr yĩnga, la a Davɩɩd sẽn yaa mam tʋmtʋmdã zug maasem yĩnga, mam na n kogla Zeruzalɛm tẽngã.› »