Popular Bible Verses from 2 Rĩm-dãmba 2

Share

La bãmb sẽn ta kʋɩlgã rʋʋnde, a Eli yeela a Eliize yaa: «Kos maam bũmb ning fo sẽn dat tɩ m maan n kõ-fo, sẽn deng b sẽn na n zẽk maam tɩ m loog n bas foomã.» A Eliize leokame: «Mam kotame tɩ y kõ maam sɩɩg ning yãmb sẽn tarã naoor a yiibu.»

Bãmb sẽn tũud taab n kẽnd la b sõsda, bugum saar ne bugum wiid n wa n kẽ bãmb b yiibã sʋka. La zĩig pʋgẽ bala, sɩlmand n wa n dɩk a Eli n loog saasẽ.

A Eli yeela a Eliize yaa: «Fo sẽn kot bũmb ningã yaa toogo, la fo sã n tõog n yãnd b sẽn na n dɩk maam n loog n bas foomã, fo na n paama bũmb ning fo sẽn kotã. La fo sã n ka yã mam loogrã, fo kõn paam bõn-kãng ye.»

A Eliize rɩka fuugã a Eli sẽn bas tɩ lʋɩ wã n wẽ koomã n yeele: «Sẽn-Ka-Saab sẽn yaa a Eli Wẽnnaamã bee yɛɛnẽ?» Dẽ, yẽnda me wẽe koomã, t'a welg zĩis a yiibu, goabg la rɩtgo, la yẽnda pɩʋʋgame n looge.

A Eliize sẽn yãnd a Eli sẽn loogdã, a zẽka a koɛɛg n yeel yaa: «M ba, m ba! Israyɛll saar-dãmb ne b wiidi!» La yẽnda ka leb n yãnd a Eli ye. Dẽ, yẽnda gãda a fuug n tak n kẽeg a yiibu.

La a Eli yeega a fuugã n wẽ koomã, la koomã welga goabg la rɩtgo, la bãmb b yiibã fãa tũu taab n pɩʋʋg tẽn-koɛɛngã n looge.

Wakat ning Sẽn-Ka-Saab sẽn kɩt tɩ sɩlmandã rɩk a Eli n loog saasẽ wã, rẽ tɩ yaa a Eli ne a Eliize sẽn yi Gilgall n tũud taab n kẽnda.