Popular Bible Verses from 1 Rĩm-dãmbã 3

Share

Bɩ y kõ y tʋmtʋmdã yam, t'a tõog n zã y nebã, la a bãng sõama ne wẽng n bake. Sã n ka rẽ, ãndã n tõe n zã yãmb nebã sẽn yaa wʋsg a woto wã?»

mam na n maana wa fo sẽn kosã. Mam na n kõo foom yam ne bãngre. La neb nins sẽn zĩnd sẽn deng foomã, ne neb nins sẽn na n pʋgl foomã kõn tol n wẽneg foom ye.

Dẽ, Sẽn-Ka-Saab yeela a Salmo yaa: «Sã n yaa bõn-kãng la fo kota, n ka kos yõ-woko, la f ka kos arzɛk f mengã yĩnga, la f ka kos f bɛɛbã kũum, n kot yam n na n tõog n maan sẽn yaa tɩrgã

La baa ne bũmb nins fãa fo sẽn ka kosã, mam na n kõ-f lame. Mam na n kõ-f-la arzɛka, la ziiri. La fo vɩɩmã tɛka, rĩm-dãmba sʋka, ned ba a ye kõn tõog n wẽneg foom ye.

La fo sã n maan mam daabo, n sak mam no-tũudsã ne m tõodã, wa f ba a Davɩɩd sẽn dag n maanã, mam na n kõo foom yõ-woko.»

La rĩm a Salmo sẽn wa n be Gabawõ wã, Sẽn-Ka-Saab vẽnega b meng ne-a yʋng zãmsd pʋgẽ. Wẽnnaam yeela rĩm a Salmo yaa: «Kos maam fo sẽn dat bũmb ninga, la m na n kõ-f lame.»

Moasã, mam Wẽnnaam Sẽn-Ka-Saabo, yaa yãmb n yãk mam sẽn yaa y tʋmtʋmdã, n kɩt tɩ m led m ba a Davɩɩd zĩigẽ, n lebg rĩmã, la mam yaa yãaga, n ka mi m sẽn na n zã nebã to-to ye.

Sẽn-Ka-Saab sũur yɩɩ noog ne a Salmo kosgã.

La rĩm a Salmo leokame yaa: «Yãmb maana m ba a Davɩɩd sẽn yaa y tʋmtʋmdã neer wʋsgo, bala bãmb dag n tũuda yãmb ne sɩda la tɩrlem, la ne pʋ-peelem. Yãmb maana bãmb neer wʋsg n kɩt tɩ b biig led bãmb zĩigẽ, n zaoond b geerã n dɩt naam dũndã.

Rẽ wã, yãmb tʋmtʋmdã bee yãmb nebã y sẽn yãkã sʋka. La b yaa wʋsgo, tɩ ned ka tõe n bãng b sõore, wall a sõd-b n sɛ ye.