Popular Bible Verses from Rom rãmba 10

Share

Fo sã n kɩs Zu-soab a Zezi kaset ne f noore, la fo sã n tẽ f sũurẽ tɩ Wẽnnaam vʋʋga bãmb n yiis kũum sʋka, fo na paam fãagre.

Bala, yaa ned sẽn na n tar tẽeb a sũurẽ la a paamd tɩrlem, la yaa ned sẽn na n kɩs kaset ne a no-goam la a paamd fãagre, wa Wẽnnaam gʋls-sõamyã sẽn yetã

Woto, yaa bũmb ning ned sẽn wʋmdã n wat ne tẽebo, la bũmb ning a sẽn wʋmdã yita Kirist goamã pʋgẽ.

Ned ning fãa sẽn tẽed bãmb kõn paam yãnd ye. Sɩd me, welgr ka be Zuif ne Gɛrk sʋk ye: B fãa tara Zu-soab a yen sẽn maand neb nins fãa sẽn boond bãmbã neer wʋsgo. Bala, ned ning fãa sẽn na n bool Zu-soabã yʋʋr na n paama fãagre.

La koe-moaandb na n yɩɩ wãn n zĩndi, ned sã n ka tʋm-ba? Wa b sẽn gʋlsã: Neb nins sẽn moond koe-noogã nao tara rasãnde.

La bãmb na n yɩɩ a wãn n bool ned ning b sẽn ka tẽedã yʋʋre? La b na n yɩɩ a wãn n tẽ ned tɩ b ka wʋm tɩ b gomd a yelle? La b na n yɩɩ a wãn n wʋm tɩ b gomd a yelle, koe-moaandb sã n ka beẽ?

Bala, Kirist yaa tõogã baoosg zĩiga, tɩ ned ning fãa sẽn tẽed na paam tɩrlem.