Popular Bible Verses from Mi Doagidima 3

Share

Diidi, n se bu buliñoabu kani ki tua: Gafala! O nilo yaa gbadi n nialu ki luodi n po bu buliñoabu kuli, n baa kua o deni ki je leni o, omo n je leni nni.

‹N bani a tuona. Ŋaa soangi, ŋaa tuoni mo. Li baa yaa ŋani ki cie a po, a yaa bi soangi, bi a yaa bi tuoni. Yeni yaa po, nani ŋan tie yaala n baligi, kaa tuoni, kaa soangi mo yeni, n baa sii ŋa ki ñani a n ñoabu nni.›

Mini, n fu ki go tundi min bua yaaba leni tundifala. Lanwani, ŋan go baa li yankuali ki pugini, ki lebidi a yama.

‹N bani a tuona. Diidi, n luodi ki yaani a po bu buliñoabu, niloba n kan luoni yaabu, kelima a pia u paalu waamu bebe. Ama ba yeni, a kubi n maama ki naa nia n yeli.

Yua n koani mi jama ki paadi, n baa teni wan yaa ka leni nni n bali kalikaanu, nani mini n ba n den koani mi jama ki paadi, ki kaa leni n Baa o bali kalikaanu po maama yeni.

A tua: ‹N tie piado ki pia ke li dagidi ki naa luo puu.› Ama ŋaa bani ke a tie fala daano, ninñinnilo, luodo, juamo, ki go ye mubima.

Nani ŋan den pia li juunli ki go kubi n maama yeni, nmoko baa kubi a mi biigima yogunu, yaama n baa ti cua ŋanduna niba kuli po.

N baa cua, li kan waagi. Ŋan yaa kubi ŋan pia yaala kankani ke oba kuli n da fie a badifogiliga.

Ŋan yaa guu bonŋanla, ki paagi yaala n sieni ki bua ki kpe, kelima n sua ke a tuona naa ŋani ki dagidi cain n Tienu po.