Popular Bible Verses from Matie 16

Share

Lani, Jesu den yedi o ŋoadikaaba: «Yua n bua ki yaa ŋua nni kuli, wan yie o yuli ki taa o dapoanpoanli ki bugi, ki nan yaa ŋua nni.

Nmo yedi a ke a tie Pieli. N baa maa Kilisiti Nitaanli laa tangu po, ba bi tinkpiba diema paalu kuli kan fidi ki paadi gu.

N baa teni a tanpoli diema sendabila. Ŋan baa loli yaala ŋanduna nni kuli, li baa loli tanpoli po. Ŋan baa lodi yaala mo ŋanduna nni kuli, li baa lodi tanpoli po.»

Yua n bua ki gaa o miali baa biani li, ama yua n baa biani o miali kelima mini yaa po kuli, baa guani ki le li.

O nilo yaa baa ki diedi ŋanduna kuli ke o naano nan bodi, li baa ŋanbi o po be? Bi o nilo baa pa be ki lebidi o naano?

O den guani ki buali: «Yimo te, yimo nan yedi ke n tie ŋme yo?» Simon Pieli den guani ki yedi o: «A tie U Tienu n Gandi Yua , U Tienu yua n fo yaa Bijua.»

Jesu den guani ki yedi o: «Li pamanli ye leni a, Simon, Jonasi bijua, kelima nisaalo ka waani a la, n Baa yua n ye tanpoli n doagidi a po la.