Popular Bible Verses from Levi 26

Share

N baa yaa cuoni leni yi, n baa yaa tie yi Tienu, yimo baa yaa tie n niba.

n baa tuuni yi po ki taaga ki yogunu, ki tinga baa luoni ki bonluonkaala, i kuani tiidi mo n yaa luoni i bonluonkaala.

Yi yaa ŋua n mabilikaama, ki kubi n bali maama ki tiendi li kuli bonŋanla

Mini o Diedo n baa teni mi yanduanma n yaa ye mi diema nni. Yi yaa goa, oba kuli kan yagi yi yama. N baa teni ti fuayanbiaditi n bodi mi diema nni kuli. Ki jugisiega mo kan go poandi yi diema nni.

N baa pegidi ki nuali yi po, ki teni yin yaa maa ki pugidi boncianla, ki go yaa kubi min den kuani yaa ŋantaado leni yi.

N tie Li Miali Diedo yi Tienu yua n den ñani yi Ejipiti diema nni, ke yin da go tie yonbi. N den kua kua ban den loli yi leni yaa kpaadi, yaadi n den naani leni i naakpakpaadi daagu yeni. N den teni ke yi yaani yi yula ki cuoni.

N baa tii n diegu yi siiga, n yama kan ña yi niinni mo.

Yin da tagi yi yula po tienfaama, yin da kpiedi ki sieni buloba kuli nannanli, bi butanli. Yin da kpie tanli ki nandi nannanliba yi diema nni, ki gbaani ki baa pugi la kelima mini n tie Li Miali Diedo yi Tienu.

Yi baa yaa di li bonkpelila, yi baa ñani li bonkpelila, ki lingi li bonpanla po u bilikaanu.

Yi siiga nni, nibimuu baa deli niba kobiga, niba kobiga mo n deli niba tuda piiga (10 000). Ki jugisiega n baa bolini yi yibalinba yi nintuali.

Hali yi baa lendi yi kpaandi ki gbeni yeni, li baa sua ke duven tiidi ciema yogunu pundi. Hali yi baa cie ki gbeni duventiidi bonluonkaala yeni, li baa sua ke ti jaadi yogunu pundi. Yi baa di yi jiema ki guodi, ki yaa ye leni mi yanduanma yi diema nni.

Yi baa deli yi yibalinba, yi jugisiemu baa je ba.

Yin yaa kubi n fuodima dana, ki yaa fangi n kaangagidiŋamu . N tie Li Miali Diedo.