Popular Bible Verses from Ose 9

Share

N Tienu luni ba, Kelima baa cengi o. Bi baa yadi ki yaa puagi i nilanbuoli nni.

Isidayeli yaaba, da tiendi mani i badi, Ki mangidi yi pala nani i nilanbuoli yeni, Kelima yi ŋaa yi Tienu, Ki puni yi yula mi conconma . Yi bua ki yaa baadi li panpaani, Yi ŋalikama jali kuli nni.

«U Tienu n baa waani Isidayeli yaaba fala yaa dana pundi, Ti buudi dana pundi, Mi biadima panpaani dana mo pundi.» Bi baa bandi la. Bi tuonbiadi yabinu leni bi nanga teni ke bi tua: «U Tienu saawalipualo yama bodi, U Tienu n soani wani yua yeni tie nani o gaado yeni.»