Popular Bible Verses from Mi Ñama 8

Share

Ama landaali, n baa gagidi Gosen diema n niba n kaa naani. I sii kan yaa ye lankani ba waamu. Yeni, a baa bandi ke mini Li Miali Diedo n ye mi naa diema siiga. N baa tieni mi gagidima, n yaa niba leni a yaa niba siiga. Laa sinankeene baa tieni saala.› »

O Diedo den yedi Musa : «Yedi Alono ke wan tandi o nuu leni o gbiamu i kpeni po, i fuani po leni ti boandi po, ki teni a loanda n yadi Ejipiti diema nni kuli.»

Bi ñoagidanba den yedi Faraon: «Li tie U Tienu nuu yaa tuonle.» Faraon pali den juagi ke waa den cengi Musa leni Alono maama, nani o Diedo n den yedi maama.

Alono den tandi o nuu Ejipiti ñima po, ke a loanda den yadi ki pini Ejipiti diema kuli.

O Diedo den yedi Musa: «Fii ku tiŋaapanpangu, ki gedi ki sedi Faraon kani, wan baa ña ki gedi u kpenu po yaa yogunu. Ŋan yedi o: ‹Li Miali Diedo yedi: Cedi n niba n gedi ki ban kpiagi nni.

Faraon go den yedi: «N baa tuo yin gedi ki padi a pada Li Miali Diedo yi Tienu po mi fanpienma nni, ama bonyenla bebe n ye. Yin da gedi naankani n foagi boncianla. Jaandi mani n po U Tienu.»