Popular Bible Verses from Mi Ñama 2

Share

U Tienu den gbadi bi dunli ki tiadi wan den niani yaala Abalahama , Isaaka leni Jakob. U Tienu den noanli Isidayeli yaaba, ki gbadi bi po mi ninñima.

Lan den waagi boncianla, Ejipiti bado den ti guani ke Isidayeli yaaba go den yenbidi ki buudi, kelima bi yonbidi po. Bi yonbidi n den teni ke bi buudi yaa bubula den doni ki pundi hali U Tienu kani.

Wan den fandi yaa yogunu, o den gedini o Faraon bisalo kani, ke o tua o po nani o bijua yeni. O den yini o Musa kelima o den yedi: «N den ñani o mi ñima nni.»

Faraon bisalo den yedi o: «Taa ki biga ne, ki yaa ŋaandi ka n po, n baa pa ŋa a panpaani.» O pua den gaa ki biga ki ŋaandi ka.

Faraon bisalo den cua u kpenciamu kani ki baa wali. O yegininlieba den goadi ki baali u kpenciamu kunu. O den laa ku taalibaabuogu i taali siiga, ki soani o puotuado ke o gedi ki taa ku.

Musa n den fandi yaa yogunu, o den gedi o kpiiba kani ki laa bi tuonfala kuli. O go den laa ke Ejipiti nilo pua Hebilu nilo, yua n tie o kpiilo. O den diidi ganu leni jienu, ki sua ke nitoa kuli naa kuu likani. O den kpa Ejipiti yua, ki piini o mi tanbiima nni.