Popular Bible Verses from 2 Tesaloniki 2

Share

Yin da tuo oba kuli n boandi yi, ba lan tie yaala kuli, ki yedi ke laa daali pundi. Laa daali kan cua, se mi dandanyiema n kpa cua, ke mi biadima daano n doagidi, wani yua n baa gedi mi bodima po yeni.

Ti kpiiba, o Diedo buakaaba, li pundi tin yaa tuondi U Tienu yi po yogunu kuli. O den gandi yi hali mi cilima mi tindima po, kelima o Fuoma yaama n gagidi ki ŋanbidi po leni li dandanli i moamoani nni yaa po.

O baa fiini o yuli ki yie bi niba n nua yaala nani li tie U Tienu yeni, bi ban kpiagidi yaala kuli. O baa kua ki kali hali U Tienu diegu nni, ki yini o yuli U Tienu.

Ti Diedo Jesu Kilisiti wani o ba leni ti Baa U Tienu yua n den bua ti, ki puni ti kelima o ŋanbili po yaa baagi n ki pia gbenma leni yaa suginma n ŋani, n yaa baagidi yi pala ki teni yin yaa se ke li pa yaala n ŋani tienma nni leni mi maama kuli nni.

Li tie lani yaa po yo ke U Tienu baa soani bi kani yaa paalu n baa yaani ba, ban yaa daani mi faama.

Sutaani paalu baa teni mi biadima daano yeni n cua leni mi bancianma, sinankeeninba leni mi faama bonlidinkaala buoli kuli. O cuama go baa yegi leni mi biadima boandi kuli, ki boandi yaaba n baa bodi, kelima baa den bua i moamoani, yii n den baa pa ba mi faabima .

Ba moala mi biadima yeni ye ŋasiili nni ki tuuni mi tuonli. Li da baa yaa tie yeni hali yua n yiedi mi po n ti ña likani.