Popular Bible Verses from TITA 1

Share

Bi tua ke bi bani U Tienu, ama bi nia o bi bontienkaala nni. Bi tie cancaginniba leni niyiekaaba kaa fidi ki tieni tuonŋanliba kuli.

Li bonla kuli ŋani cain yaaba n ŋani cain po. Ama liba kuli ki ŋani cain yaaba n * joagini po, bani yaaba n kaa daani yeni po kelima bi yantiali leni bi pala siedi kuli joagini.

Wan yaa kubi i moamoani maama yaama n tie mi madugikaama nani ban den bangi o maama, ke wan fidi ki bangi mi bangiŋanma yeni ki yaa paagidi bi pala, ki go maadi ki guliti yaaba n bua ki nia ma.

Li tie tiladi ke Kilisiti n yini yaaba gobidika n yaa tie U Tienu naacen-juoginka, wan da pia ban baa fidi ki kuli o yaala. Wan da tie tupaalu daano, ki da tie mutuodaano, ki da tie dañolo, ki da tie nipualo, ki da tie yua n kuandi o yama yaa i janbi yaa ñuadi nni. Wan yaa tie yua n gaani bi niba cangu, ki bua yaala n ŋani, ki yaa pia li kpaagili, ki tiegi, ki gagidi U Tienu po, ki kubi o yuli.

Li tie tiladi ke nikpelo kuli n yaa tie ban kan fidi ki kuli yua leni bonlaba. O baa yaa pia poyendo bebe, leni yaa bila n daani Jesu bi niba n kan fidi ki tabi yaaba leni cagindiba bi ke bi tie biyenyieda.