Popular Bible Verses from LOMA YAABA 8

Share

Ti bani ke U Tienu tuuni li bonla kuli nni yaaba n bua o yaa ŋamu po, bani, wan yini yaaba o yanjagili po.

Moala n bani cain ke bonlaba kuli kan fidi ki paadi ti leni U Tienu buama, baa mi kuuma, baa li miali, baa malekinba, baa mi fawaama paaciami danba, baa yaala n ye moala na, baa yaala n baa ti cua, baa i paaciami, baa yaaba n ye tanpoli, baa yaaba n ye tiipo, mi tagima kuli nni liba kuli kan fidi ki paadi ti leni U Tienu n pia tipo yaa buama, yaama n den doagidi ti Diedo Jesu Kilisiti nni.

Li tie yeni, mi Fuoma moko todi ti ti tadingu nni. Kelima tii bani lan pundi tin mia U Tienu yaa miabu ti jaandi nni. Ama mi Fuoma mani miba miadi U Tienu tipo ki duni yaa dunli n kaa pia maama.

Lan tie maama yeni, ti baa yedi lede? U Tienu yaa tie tipo, ŋme baa fidi ki sedi tipo?

Lanwani moala buudi cuonuba ki go ye yaaba n ye Jesu Kilisiti nni po.

Yua kuandi o yama ti gbanandi n bua yaala yaa niinni, li baa gedini o mi kuuma po. Ama yua n kuandi o yama U Tienu Fuoma n bua yaala yaa niinni, li baa gobidi ki gedini o li miali leni mi yanduanma kuli po.

Ama laa bonla kuli siiga, yua n den bua ti yeni tendi ke ti paadi likuli cain.

Lani yaa po n bani ke tin laadi yaa fala yaa yogunu n tie na kan fidi ki boagini leni U Tienu n baa doagidi yaa kpiagidi yaadi n baa ye.

Ŋme baa paadi ti leni Kilisiti yaa buama? Naani fala bi, bi ti yanyagidi, bi o falabiado, bi mi koma, bi mi luoma, bi yaa fala n baa fidi ki cuani mi kuuma, bi ki jugisiega n baa paadi ti leni o buama?

U Tienu yua n bigidi bi niba pala bani yaala n ye o Fuoma yantiali nni, kelima o Fuoma miadi wani U Tienu * nigagidiŋanba po nani wani U Tienu n bua maama.

Kelima mi Fuoma n gobidi yaaba kuli, bani n tie U Tienu bijaba.

Moamoani yaaba n tiendi ti gbanandi n bua yaala kuandi bi yama ti gbanandi n bua yaala niinni. Ama yaaba n tiendi U Tienu Fuoma n bua yaala kuandi bi yama U Tienu Fuoma bua yaala yaa niinni.

Wani U Tienu, yua n kaa den yie ke o yaa Bijua n da le fala, den soani o ki teni bi niba nuu nni ke o kpe tikuli po. Lani li baa ga lede ke o kan pa ti li bonla kuli leni wani o Bijua leni ti bulicindi?

U Tienu Fuoma mani miba tiendi siedi ti yantiana nni ke ti tie U Tienu bila. Ti yaa tie U Tienu bila, ti go tie bi faajieba moko, ti tie U Tienu faajieba, ki baa taani leni Kilisiti ki je li faali. Kelima ti yaa taani leni Kilisiti o fala nni, ti go baa taani leni o o kpiagidi nni moko.

Li tie yeni, ki yaa ŋua ti gbanandi n bua yaala tie ti yibalindi leni U Tienu, kelima laa tuo ki tiendi U Tienu balimaama n bili yaala, li kan fidi moko.

Mi tagima kuli gu leni mi sugincianma U Tienu n baa doagidi o bila yaa yogunu.

Ti bani ke hali moala mi tagima kuli ye leni fala ki duni nani u maditugukoanu n cuo yaa pua yeni.