Popular Bible Verses from LOMA YAABA 14

Share

Kelima * U Tienu diema naa tie mi jiema leni li bonñokaala bebe ka. Ama, mi * teginma, mi yanduanma, leni li pamanli, U Tienu Fuoma Yua n teni ke ti pia yaala. Yua n tuuni Kilisiti po yeni, U Tienu pali baa mani leni o, bi nisaaliba mo baa saa opo i moamoani.

Kelima ti yaa ye, ti ye o Diedo po, ti yaa kpe mo, ti kpe o Diedo po. Lanwani ti yaa ye leni ti yaa kpe kuli, ti tie o Diedo yaaba.

Lanwani tin moandi ki yaa tiendi yaala n baa teni tin yaa mani leni ti lieba, ki go paagidi tiyaba pala U Tienu sanŋoadima nni.

Lanwani tin cedi ki da ja leni ti lieba ti buudi. Ama yin jagi mani ki bili ke yi kan tieni yaala n baa tua yi kpiilo po, tantuudikaali bi tingbali bonla.

Kelima li diani: «O Diedo yedi: ‹N ye ki fo, Dunli kuli baa gbaani n nintuali, Lanbu kuli baa kpiagi U Tienu.› » Lanwani ti siiga yua kuli baa togidi U Tienu wan den tieni yaala kuli.

Yaa gaani mani yua n tadi li * dandanli nni ki da nia leni o wan tama yaala po.

A tie ŋme, fini yua n ja ti buudi leni nitoa naacemo? O yaa se bonŋanla, leni o yaa baa, li tie o canbaa maama. Ama o baa se kelima o Diedo pia u paalu ki baa teni wan yaa se.