Popular Bible Verses from LOMA YAABA 12

Share

Da taa mani leni ŋanduna na niinni yaaba, ama yi yantiana pandima n teni yin lebidi ke yin fidi ki gagidi ki bandi U Tienu yanbuama, lani n tie yaala n ŋani, ki mani opo, ki go dagidi cain.

Lani yaa po n kpiiba, n mia yi ki go tundi yi kelima U Tienu niñingbadima yaa po, ke yin pa U Tienu yi yula nani yaa padili n fo, yaali n gagidi ki mani opo. Lani n tie lan pundi yin yaa kpiagidi o maama.

Yin yaa mangidi yi pala yi suginma nni. Yin yaa pia li juunli fala nni. Yin yaa jaandi mani ki da cedi.

Ŋan da tuo ke mi biadima n paadi a, ama ŋan paadi mi biadima kelima mi ŋanma tienma po.

Yin yaa bua mani yi yaba nani yaaba n kpi yeni. Yaa jigindi mani yiyaba.

Yin da bua yi lieba mo leni pala lie. Yin yaa nani mani yaala n bia, ki yaa kubi yaala n ŋani ke li pa.

Yin moandi mani yin fidi maama kuli ke li yaa ŋua yinba, yin yaa ye leni mi yanduanma leni bi niba kuli.

N buakaaba, da tu mani i biadi panpaani yi yula po. Ama yin cedi mani U Tienu pabienli daali n cua, kelima li diani: «Mini n tie o pantuulo, mini n baa tu i biadi panpaani,»

Yaa tuuni mani leni li yankuali ki da pia i kpadije, yi pala n yaa tuoni yi tuonli po kelima yi tuuni o Diedo po.

Kelima min baa yaa * ŋanbili-paabu yaa po, n yedi yikuli yendo yendo, yin da nua yi yula ke yi cie yin tie maama. Yin yaa pia li yumiinli ki cuo ki dagini nani U Tienu n biigi ki puni yua kuli li * dandanli yaa banlu.

Yin da guani oba mi biadima kelima wan tieni yi yaa biadima po. Yaa lingi mani yaala n ŋani bi niba kuli nintuali.

Yin yaa pia mani yantiayenli leni yiyaba. Yin da bua ki yaa tie niciama. Yin da fiini yi yula, ama yin cedi li yumiinli n diedi yi. Da nua mani yi yula ke yi tie yanfodanba.

ki go yedi: «Mi koma yaa gbadi a yibali, Ŋan pa o wan je, U ñunñuunu yaa gbadi o, Ŋan pa o wan ño. Kelima a yaa tieni yeni, A dogini o yuli po a mukuanmoana.»

Yaa gaaliti mani yaaba n wangi yi fala. Yeni de, gaali ba mani ki da soli ba. Yin mangi mani yi pala leni yaaba n pia li pamanli, ki go buudi leni yaaba n buudi.

Yin yaa todi mani bi nigagidiŋanba leni ban luo yaala, ki gaani bi canba cangu bonŋanla.

Kelima nani tin pia i gbananbuoli ke i yaba gbananyendi nni maama, ke i gbananbuoli yeni ki taata tuona, li go tie yeni leni tinba yaaba n ye Kilisiti nni. Baa ke ti yaba, tikuli tie gbananyendi ki tuugi leni tiyaba nani i gbananbuoli n tuugi leni iyi maama.