Popular Bible Verses from MATIYU 5

Share

Bi kan go cuoni ki fidisanga mo ki taa li sancianli ki ŋoagini ga, ama bi baa tuani ga u fidisantuankaanu, gan yendi yaaba n ye li dieli nni kuli po. Yeni yin cedi mani yi yenma n yendi yeni bi niba kani ke ban le yi tuonŋama ki kpiagi yi Baa yua n ye tanpoli po.

Yinba n tie mi yenma ŋanduna po. Yaa dogu n ye li juali yuli po kan fidi ki wuoni.

Li pamanli ye leni yaaba n pia li papienli, kelima bi baa le U Tienu.

Li pamanli ye leni mi * teginma koma leni mi ñunñuunu n pia yaaba, kelima bi baa guo.

Ama mini n yedi yi: Yaa bua mani yi yibalinba, ki yaa jaandi yaaba n faligidi yipo.

«Li pamanli ye leni yaaba n pia li yumiinli, kelima * tanpoli diema tie bi yaama.

Li pamanli ye leni bi candanbaaba, kelima bi baa yini ba U Tienu bila.

Li pamanli ye leni yaaba n ye leni li pabiidili, kelima bi baa baagi ba.

Li pamanli ye leni ban wangi yaaba fala kelima mi teginma po, kelima tanpoli diema tie bi yaa yaala.

Li pamanli ye leni bi niñingbadiba, kelima bi baa gbadi bipo mi niñima.

Li pamanli ye leni yi bi niba yaa sugidi yi ki wangi yi falabiado ki maadi yipo mi mabiadima kelima mini yaa po. Yin mangi mani yi pala ki yaa ye leni li pamancianli kelima yi panpaani baa yaba tanpoli po. Bi niba den wangi bi sawalipuaba falabiado yeni, bani yaaba n den ye ke yi daa ye.

Li pamanli ye leni yaaba n pia li padingili, kelima bi baa diedi ki tinga.

Yinba n tie mi yaama ŋanduna po. Mi yaama yaa ti luo mi manu, bi baa taa be ki go mangi ma? Maa go pia fuomaba, se ban lu ma niinpo bi niba n ŋmaa ma.

Yin gagidi ki yaa ŋani nani yi Baa yua n ye tanpoli n gagidi ki ŋani maama.

Yi yaa yedi: ‹Mm, lan yaa tie mm.› Yi yaa yedi: ‹A-a mo, lan yaa tie a-a.› Kelima yaala n pugini kuli di ñani o * Biado kane.

Yi den gbadi ke bi yedi: ‹Nunbu n baa pa nunbu panli, ñinli mo n baa pa ñinli panli.› Ama mini n yedi yi, yin da yie o nibiado po, nilo yaa pabi a a jienkpianu po, ŋan pegidi ki teni o a ganu mo.

A jiennunbu yaa tie apo li tingbali bonla, ŋan logidi bu ki lu foagima, kelima a gbanan-buoyendu yaa bodi, li baa ŋani apo ki cie ban lu a gbanandi kuli ku fantanbuogu nni. A jienu yaa tie apo li tingbali bonla, ŋan jia ku ki lu foagima, kelima a gbanan-buoyendu yaa bodi, li baa ŋani apo ki cie ban lu a gbanandi kuli ku fantanbuogu nni.