Popular Bible Verses from JESU TONDIBA TUONA 17

Share

O den tieni yeni kelima o bua ban lingi wani o Diedo, ke daalinba, bi yaa baaliti ki lingi o, bi baa le o. Moamoani waa foagi leni ti siiga oba kuli.

O den tagi jayendo ki teni ke ŋanduna nibuoli kuli ñani o kani, ki go teni ke bi yayadi ki ye ki tinga kuli nni. Hali ban daa den ye, o den bili ban baa ye yaa yogunu leni ban baa ye naankani.

U Tienu yua n den tagi tanpoli leni ŋanduna leni yaala n ye lienni kuli, wani yua n die tanpoli po leni ki tinga nni kuli, o yekaanu naa tie bi nisaaliba n maa yaa jaandiena nni ka.

Kelima wani U Tienu bili ti buudi daali, wan baa bu leni ŋanduna yaaba kuli yaa daali leni mi * teginma. O gandi o nilo ki bili ke o baa jia laa buudi. O saa i moamoani ke li baa tieni yeni leni wan fiini laa nilo bi tinkpiba siiga yeni.»

Lani yaa po, kelima ti tie U Tienu bila, laa pundi tin yaa tama ke wani U Tienu naani leni bi nisaaliba n fidi ki taa wula, yaaka ŋanjilifa, yaaka li tanli ki tagi yaa nannanli kelima bi banma leni bi yanfuoma po.