Popular Bible Verses from ƆRƆMUKAW 8

Share

An y'a lɔn ko Ala bɛ baara kɛ ni fɛɛn bɛɛ ye a kanubagaw ka makonya le kama, a y'o minw wele ka kɛnyɛ n'a ka koo latigɛnin ye.

Bari ne jigi b'a la ko hali saya yɛrɛ, walima sijan, walima mɛlɛkɛw, walima jinaw, walima fɛɛn minw bɛ dinyɛ na bii, walima minw bɛna kɛ yen sini, walima setigiw, hali fangatigi minw bɛ sanfɛ, walima minw bɛ dugukolo jukɔrɔ, walima danfɛn wɛrɛw, fɛɛn si tɛ yen min bɛ se k'an faran ka bɔ Ala la ale min b'an kanu an Matigi Yezu Krista barika la.

O cogo la fana, Nii Senuman b'an dɛmɛ an ka dɛsɛyɔrɔw la, bari an tɛ dalili cogo lɔn, nga Nii Senuman yɛrɛ le bɛ dalili kɛ an nɔɔ na ni ;nunakan ye min tɛ se ka fɔ.

An bɛ mun fɔ tugu? Ni Ala b'an fɛ, jon bɛ wili an kama tugu?

Sisan kɔni, mɔgɔ minw sɔnna Yezu Krista ma, jalakiyɔrɔ si tɛ olu la.

Farisogo koo, o laban ye halakili ye, nga Nii Senuman ta ye lafiya ni hɛrɛ ye.

Nga o bɛɛ n'a ta an kɛra sesɔrɔlaw ye kosɛbɛ, Ala barika la, ale min y'an kanu.

Ne ka miiri la, an bɛna bonya min sɔrɔ sini, o tɛ se ka suma ni bii ka tɔɔrɔ ye.

Mun le bɛ se k'an faran ka bɔ Krista la ale min y'an kanu? Sɛgɛnko wa? Walima hakilinyagamiko, walima tɔɔrɔ, walima kɔngɔ, walima dɛsɛko, walima kojugu, walima n'o b'an faga wa?

Ala min bɛ adamaden dusulako lɔn, ale b'a lɔn Nii Senuman bɛ fɛɛn min fɛ, bari Nii Senuman bɛ dalili kɛ Ala ka mɔgɔw ye k'o kɛnyɛ ni Ala sago ye.

Mɔgɔ minw bɛ taama ka kɛnyɛ ni Ala ka Nii sago ye, olu ye Ala deenw ye.

Bari mɔgɔ min bɛ taama ka kɛnyɛ ni farisogo sago ye, o tigi ka miiriya bɛ to farisogo koo le kan, nga min bɛ taama ka kɛnyɛ ni Nii Senuman sago ye, o tigi ka miiriya bɛ to Ala ka koo le kan.

Ale min ma ban k'a yɛrɛ Dencɛ di ka sa an bɛɛ kɔsɔn, a bɛ kɛ cogo di n'a tɛna fɛɛn bɛɛ di an ma ka fara a Dencɛ nin kan?

O Nii Senuman nin b'a yira an na ko an kɛra Ala deenw ye. N'an kɛra Ala ka deenw ye, an bɛna niyɔrɔ fana sɔrɔ Ala fɛ, Ala y'a daa di a ka mɔgɔw ma fɛɛn minw koo la, an ni Krista bɛna olu sɔrɔ nyɔgɔn fɛ, bari n'an y'a ka tɔɔrɔ nyɔgɔn sɔrɔ, an fana bɛn'a ka bonya nyɔgɔn sɔrɔ.

Koo minw ka di farisogo ye, o tɛ bɛn Ala ma, farisogo fana tɛ sɔn Ala ka sariya ma, o fana tɛ se ka kɛ.

Bari Ala bɛna bonya la a ka deenw kan loon min na, dinyɛ kɔrɔtɔnin bɛ ka o loon makɔnɔ.

An y'a lɔn ko halibi dinyɛ bɛɛ bɛ ;nunana i n'a fɔ muso min bɛ jigira.