Popular Bible Verses from ƆRƆMUKAW 14

Share

Bari ka kɛ Ala ta ye, dumuniko, walima minnifɛn koo t'o la, nga tilenninya ni hɛrɛ ani nisɔndiya koo le kɛra o koo ye, Nii Senuman barika la. Bari mɔgɔ min bɛ baara kɛ Krista ye o cogo la, o tigi le koo ka di Ala ye, mɔgɔw fana b'a tɔgɔnyuman fɔ.

An bɛ sii la wo, an bɛ yen Matigi le kɔsɔn, n'an sara wo, an sara Matigi le kɔsɔn. O la, an tora sii la wo, an sara fana wo, an ye Matigi ta ye.

O la sa, an ka banba ka to hɛrɛ la nyɔgɔn fɛ ani ka nyɔgɔn dɛmɛ ka barika sɔrɔ Krista ka sira la.

O la, an ka nyɔgɔn jalakiko dabila sa. Aw k'aw yɛrɛ kɔlɔsi aw kana kɛ sababujugu ye aw balima dɔ ma.

Bari a fɔra Ala ka kuma na ko: “Ne Matigi nyanaman lo,” ko: “Mɔgɔ bɛɛ bɛn'a kunbiri gwan ne nyakɔrɔ, ani mɔgɔ bɛɛ bɛna Ala tando.” O cogo la, an kelen kelen bɛɛ bɛna lɔ n'an kunko ye Ala nyakɔrɔ.

Mɔgɔ min barika ka dɔgɔ Krista ka sira la, aw k'ale minɛ ka nya, aw kana to a kɔrɔfɔli la.

E min bɛ mɔgɔ wɛrɛ ka baaraden jalaki, e ye jon ye? A ye baaranyuman kɛ wo, a m'a kɛ wo, o t'i ka sira la, o ye a tigi ka koo ye. A do bɛna baaranyuman kɛ, bari see bɛ Matigi ye k'o kɛ.