Popular Bible Verses from ƆRƆMUKAW 12

Share

Aw kana aw yɛrɛ kɛnyɛ ni bii dinyɛ ye, nga aw ye hakilikura min sɔrɔ, aw jogo ka yɛlɛma ka kɛnyɛ n'o ye, janko aw ka se ka Ala sago lɔn, o min ye konyuman ye, min ka di Ala ye, n'a dafanin bɛ.

N balimaw, ne b'aw dali Ala ka makari kɔsɔn ko aw k'aw yɛrɛ kɛ saraka nyanaman ye, min saniyanin lo, n'a ka di Ala ye: o le bɛna kɛ aw ka batoli nyanaman ye.

Jigi min b'aw fɛ, aw ka nisɔndiya o kɔsɔn, tɔɔrɔ tuma, aw ka munyuli kɛ, aw ye jija ka Ala dali.

I kana i yɛrɛ to kojugu bolo a ka se i kɔrɔ, nga i ka see sɔrɔ kojugu kan konyuman barika la.

Kanuya min bɛ badenya la, o sababu la, aw ka nyɔgɔn minɛ, k'aw tɔnyɔgɔnw jati k'u ka fisa n'aw ye.

Kanuyasɛbɛ ka sɔrɔ aw dusu la. Aw ka kojugukɛ dabila, ka konyuman kɛ kosɛbɛ.

Aw k'aw seko bɛɛ kɛ ka to hɛrɛ la ni mɔgɔ bɛɛ ye, n'o bɛ se ka kɛ.

Ne teriw, aw kana aw mɔnɛ bɔ, aw k'o to Ala ma, bari a fɔra Ala ka kuma na ko: “Mɔnɛbɔko ye ne ta ye, ne le bɛ juru sara.” Matigi ko ten.

Aw ye jija aw kana kɛ salabagatɔw ye, aw ka banba ka baara kɛ Matigi ye.

Ala ye nɛɛma min kɛ ne ye, o kɔsɔn, ne b'a fɔ aw bɛɛ ye ko aw kana aw yɛrɛ bonya k'a dama tɛmɛ, aw k'aw yɛrɛ majigi ka kɛnyɛ ni jigi ye, Ala y'o min di aw ma ye.

Aw kana kojugu juru sara, aw ye jija ka konyuman kɛ mɔgɔw bɛɛ ye.

Bɛɛn ka sɔrɔ aw ni nyɔgɔn cɛ. Aw kana aw yɛrɛ bonya, k'aw yɛrɛ jati kolɔnbagaw ye, aw k'aw yɛrɛ majigi.

Nga “Ni kɔngɔ b'i jugu la, dumuni d'a ma, ni minnɔgɔ b'a la, jii d'a ma, n'i y'o kɛ, a bɛna maloya kosɛbɛ.”

Mɔgɔ minw b'aw tɔɔrɔ, aw ka duba kɛ o tigiw ye, aw ka duba kɛ dɔrɔn, aw kana dangali kɛ. Mɔgɔ minw bɛ nisɔndiya la, aw ye nisɔndiya ni olu ye, minw bɛ kasi, aw ye kasi ni olu ye fana.

Aw ye banba ka Ala ka mɔgɔw dɛmɛ u dɛsɛyɔrɔ la, ka mɔgɔ wɛrɛw ladon.

Yɔrɔ caaman b'an farisogo la, u bɛɛ ka baara tɛ kelen ye fana. O cogo la, an minw lara Krista la, an n'an ka caya bɛɛ, an jɛnna ka kɛ farisogo kelen ye.