Popular Bible Verses from ƆRƆMUKAW 10

Share

N'i sɔnna k'a fɔ ko Yezu ye Matigi ye ani ka l'a la ko Ala y'a kunun a sanin kɔ, e bɛna kisi.

Tinyɛ na, n'i lar'a la i dusu la, Ala b'i jati mɔgɔtilennin ye, n'a bɔra i daa la, i bɛ kisi.

O cogo la, mɔgɔ bɛ waajuli mɛn ka sɔrɔ ka la Krista la, waajuli le ye Krista ka koo nyafɔli ye.

Bari a fɔra Ala ka kuma na ko: “Ni mɔgɔ min lara Ala la, o tigi tɛna maloya.” O cogo la, danfara bɔko tɛ Zuwifuw ni siya wɛrɛw cɛ, u bɛɛ ka Matigi ye kelen ye, min man'a dali, a bɛ mɛnni kɛ o tigi fɛ. Bari: “Mɔgɔ o mɔgɔ min mana Matigi dali, o tigi bɛna kisi.”

Mɔgɔ fana bɛ se k'a koo fɔ cogo di, n'u ma ci? O cogo la, a fɔra Ala ka kuma na ko: “Mɔgɔ minw bɛ kibaru diman fɔ,” ko: “Olu ta ka nyi!”

U bɛ se ka kɛ cogo di ka Matigi dali, n'u ma l'a la? U fana bɛ se ka l'a la cogo di, n'u m'a koo mɛn? U fana bɛ se k'a koo mɛn cogo di, ni mɔgɔ m'a fɔ u ye?

Bari sariya bɛ laban Krista le ma, janko ni mɔgɔ min sɔnna ka la Krista la Ala k'o tigi jati mɔgɔtilennin ye.