Popular Bible Verses from Ʋrɔm 5

Share

Ɛcɛ, a ʋlɩ bom nɛ na wul k'aa Naaŋmɩn nɔnɛ tɩ nɩ yaga za a, ʋlɛ n'ɩ a Kɩrɩta na kpi a tɩ ƴãw, a lɛn daar tɩ na tɩ cãà ɩ yel-bebe dem a.

A tɩɛrʋ ŋa bɛ bɛ̀lɛ ɩ, bʋ̃ʋ n'ʋ vɛ̃, Naaŋmɩn ƴãw nɩ a ʋ nɔ̃wfʋ a tɩ socie pʋɔ, a Vʋʋrʋ Sõw ʋ na kʋ̀ tɩ a zũú.

Ɛ́ a za cãà bɛ n'a ɩ, nʋ̃ɔ̀ ɩrɛ tɩ nɩ a tɩ kpɩɛrʋ tɛɛ za ƴãw, tɩ na bãw k'aa kpɩɛrʋ waar'ɩ nɩ a kanyir a, a kanyir waar'ɩ bɛ na ɩ b kaa fʋ bɛ dam a, ɛ́ bɛ na ɩ b kaa fʋ bɛ dam a, waar'ɩ tɩɛrʋ fʋ na ƴãw a Naaŋmɩn ƴãw a.

A na ɩ à ŋá tɩ lɩɛbɩ nɩ-mɩn a tɩ sàw-deb ƴãw a, ƴã-ɓaarʋ be n tɩɩm nɩ a Naaŋmɩn cara pʋɔ, a tɩ Sore Yeezu Kɩrɩta zũú. Ʋlɛ n'ʋ puo a Naaŋmɩn maalʋ sɔ́r kʋ̀ tɩ, a sàw-deb zũú, ɛ́ tɩ be a maalʋ ŋa pʋɔ. Ɛ́ bom nɛ na ɩrɛ tɩ nʋ̃ɔ̀ a, a ɩ n tɩ na tɩɛrɛ kɛ́ tɩ nãà páw nɩ a Naaŋmɩn yúor-vɩɛlʋ-danʋ a.

Tɩ na bɛ tɩ tɛr fãw na ɩ bom za a, lɛ n'a a Naaŋmɩn daar na wa ta a, a Kɩrɩta kpi yel-bebe dem ƴãw.

Ɛ́ a ʋ zɩ̃ɩ na ɩ tɩ lɩɛbɩ nɩ-mɩn a Naaŋmɩn zie ƴɛrɛŋa a, bʋnʋ bɛ ka be ɩ, ʋ na faa tɩ na zuo lɛ a Naaŋmɩn suur nãà wa ìr a ƴãw.

Mɛ̃ a lɛ nɩ-yaga yaga na lɩɛbɩ yel-bebe dem nɩ-been yõ na zawrɩ a nʋɔr a ƴãw a, lɛ mɩ̀ n'a nɩ-yaga yaga na lɩɛbɩ nɩ-mɩn nɩ-been yõ na sàw a nʋɔr a ƴãw.

Ɛ́ a za cãà bɛ n'a ɩ, a Naaŋmɩn ƴãw n'a nʋ̃ɔ̀ ɩrɛ tɩ a tɩ Sore Yeezu Kɩrɩta zũú, ʋl na n'ʋ so tɩɩm nɩ a Naaŋmɩn lɛb kpɛ taa ƴɛrɛŋa a.