Popular Bible Verses from Ʋrɔm 12

Share

Nyɩ ta de a nyɩ ɩb tuur'ɩ a dɩ̃a zie ŋa ɩb ɛ, ɛcɛ nyɩ bɛr a Naaŋmɩn ʋ lɩɛbɩ nyɩ ɛ́ kʋ̀ nyɩ yã-paala. Lɛ n'a nyɩ na mɩ́ tʋ̃ɔ́ jɛl bãw a Naaŋmɩn pʋ-tɩɛrʋ: ʋlɩ bom nɛ na vɩɛl a, ʋlɩ bom nɛ na pɛlɩ a ʋ pʋɔ a, ʋlɩ bom nɛ na vɩɛl ʋ za bɛ cɛ a.

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

Nyɩ cɩlɛ a nyɩ tɩɛrʋ nyɩ na ƴãw a Sore ƴãw a zũú. Nyɩ nyɔw nyɩ tʋɔra a kpɩɛrʋ pʋɔ, nyɩ puore kʋralɛ.

Ta mɩ́ bɛr a yel-faa ʋ tʋ̃ɔ́ fʋ ɛ, nɩ̃ɛ mɩ́ maalɩ a yel-vla tʋ̃ɔ́ nɩ a yel-faa.

Nyɩ nɔnɛ taa mɛ̃ yɛbr a, nɩ nyɩ pʋɔ za, nyɩ ƴãwnɛ taa ciere taa.

Nyɩ nɔnɛ taa sɩza. Nyɩ hɩ̃ɛn a yel-faa ɛ́ tu a yel-vla pùor.

Alɛ na na tʋ̃ɔ́ a, nɩ a lɛ a na yi a nyɩ zie mɩ̀ a, nyɩ ɩ ƴã-ɓaarʋ be nyɩɩm nɩ a nɩsaalbɛ za cara pʋɔ.

Ɩ̃ nɩ-nɔnɩ i, nyɩ ta mɩ́ lɛb ŋmɛlɩ yáa a ɩ-faa san ɛ, nyɩ bɛr a Naaŋmɩn suur ʋ tone, bʋ̃ʋ n'ʋ vɛ̃, a Sɛb-sõw yere nɩ à ŋá: «Mãa so a san-yaafʋ, mãa n'ʋ na yáa a san», a Sore n'ʋ yere.

Nyɩ tone ɛ́ ta kpɛ ƴã-tuo ɩ. Nyɩ tʋlɛ a Sore tome tob ƴãw.

A maalʋ a Naaŋmɩn na kʋ̀ m a zũú, ɩ̃ yere na kʋ̀rɛ nyɩ za: nyɩ ta mɩ́ tɩɛrɛ kɛ́ nyɩ zuo nɩ za ɩ, nyɩ nɩ̃ɛ mɩ́ vɛ̃ kɛ́ tɛr tʋɔra-siwru tɩɛrʋ, mɛ̃ a lɛ a Naaŋmɩn na põ a sàw-deb kʋ̀ ŋa za a.

Nyɩ ta yarɛ nɩr kãw za yel-faa san ɛ. Nyɩ ƴãw fãw ɩrɛ a vla a nɩsaalbɛ za niŋé.

Nyɩ ƴãw fãw wone taa vla. Nyɩ ta bɔbr a yúor ɛ, ɛcɛ nyɩ tuur a yele al na waar'ɩ tʋɔra-siwru a pùor. Nyɩ ta mɩ́ de nyɩ tʋɔra bʋɔlɛ yã-bãwnbɛ ɩ.

Lɛ nɩ kɛ́: «Kɔ̃ wa kpɩɛr a fʋ dɔ̃ sob a, fʋ̃ʋ kʋ̀ ʋ bʋ̃-dɩrɩ ʋ dɩ, kʋ̃ɔ-nyúur wa kpɩɛr ʋ a, fʋ̃ʋ kʋ̀ ʋ kʋ̃ɔ ʋ nyũ, bʋ̃ʋ n'ʋ vɛ̃, fʋ na ɩrɛ à à ŋá a, a ɩ na mɛ̃ vũu-bie n'a fʋ mʋ̃ɔnɛ dɔwlɛ a ʋ zũú a.»

Nyɩ mɩ́ ƴɛ̀r nɔ-vla a bɛlɩ dem na dɔwrɛ nyɩ a ƴãw, nyɩ mɩ́ ƴɛ̀r nɔ-vla ɛ́ ta ŋmɩɛr ƴãwn bɛ ɩ. Nyɩ cɩlɛ lãwnɩ a bɛlɩ dem na cɩlɛ a, ɛ́ kone lãwnɩ a bɛlɩ dem na kone a.

Nyɩ sõwne a nyɩ yɛbr a na fɛrɛ a, ɛ́ páwr a sãanʋ deb ƴãw.

Mɛ̃ a lɛ tɩ na tɛr ƴã-gã-been yõ, ɛ́ a ɓɛrmɛ yãwmɛ ɛ́ bɛ lãw tõ-nʋɔr a, lɛ mɩ̀ n'a tɩ yãwmɛ ɛ́ lãw nɩ a Kɩrɩta ɩ ƴã-gã-been, ɛ́ tɩ za lãw nɩ taa mɛ̃ ƴã-gã-been ɓɛrmɛ a.