Popular Bible Verses from Filib 2

Share

Nyɩ ta ɩrɛ bom nɩ cier-taa yã bɔbr'ɩ yúor ɛ. Ɛcɛ, nyɩ ɩrɛ nɩ tʋɔra-siwru, ɛ́ mɩ́ sàw kɛ́ a nyɩ taabɛ zuo nyɩ na. Ŋa za ta mɩ́ tɩɛrɛ ʋl yõ yele ɩ, ʋ mɩ̀ mɩ́ tɩɛrɛ a ʋ taabɛ yele.

Nyɩ ɩrɛ à à ŋá a nyɩ cara pʋɔ, mɛ̃ a lɛ bɛ na mɩ́ ɩrɛ bɛlɛ wa lãw nɩ a Yeezu Kɩrɩta a.

Ʋl na tɛr a naaŋmɩnʋ a pɛr-tib daar za a, ʋ bɛ tɩ fɩɩrɩ ʋlɛ nɩ a Naaŋmɩn sɛw-taa ŋa tɛr bɛ sàwr'ɩ ɛ. Ʋ nɩ̃ɛ na tɩ yàalɩ ʋ tʋɔra, ɛ́ de tõ-tõ-bie ŋmɛ̃a, ŋmɛ̃ mɛ̃ nɩsaal a, ɛ́ a tɩ sãá a ʋ ŋmɛ̃a pʋɔ k'ʋʋ ɩ n nɩsaal. Ʋ siwr'ɩ ʋ tʋɔra lɩɛbɩ nɔ-sàwrɛ tɩ kpi n, tɩ kpi n a da-gara zu kũu.

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

Al zũú n'a Naaŋmɩn zɛw ʋ yaga za, ɛ́ por ʋ yúor na yi zuo a yée za a, kɛ́ a Yeezu yúor ƴãwfʋ ƴãw, bʋ̃-vʋʋrɩ za gbine dume a salom zu, a tẽw zu nɩ a tẽw pile, ɛ́ bɛ za sàw yere kɛ́ a Yeezu Kɩrɩta n'ɩ a Sore, a Naaŋmɩn sãà yúor-vɩɛlʋ-danʋ ƴãw.

Bom nɛ za nyɩ na ɩrɛ a, nyɩ ta ɩrɛ zɛbr'ɩ bɩɩ ŋmɩɛr'ɩ nɔkpɛn ɛ, lɛ n'a nyɩ kʋ̃ tɛr sãwna bɛ yere ɩ, ɛ́ vɩɛl ɩ Naaŋmɩn bibiir na bɛ tɛr faalʋ a, vʋʋrɛ nɩ a tẽ-daa zu nɩbɛ sɔgɔ na fa ɛ́ sãw bɛ za a, nyɩwrɛ a bɛ sɔgɔ mɛ̃ ŋmar-bie salom zu a

A na ɩ à ŋá a, ɩ̃ nɩ-nɔnɩ i, nyɩɩm na sàwr a ɩ̃ nʋɔr kʋralɛ a, nyɩ cãà ɩrɛ a lɛ ɩ̃ na mɩ́ wa be a nyɩ sɔgɔ a, ɛ́ mɩ̀ ɩrɛ gãw lɛ a ƴɛrɛŋa ɩ̃ na bɛ ka be a. Nyɩ tɛr zɔba nɩ mawfʋ tone nɩ a nyɩ faafʋ tome.