Popular Bible Verses from Matie 7

Share

«Nyɩ mɩ́ zɛlɩ, bɛ na kʋ̀ nyɩ na. Nyɩ mɩ́ bɔbr, nyɩ na páw na. Nyɩ mɩ́ kpàwrɩ a pan, bɛ na yuo nyɩ na.

Sob nɛ za na zɛlɛ a, bɛ mɩ́ kʋ̀ ʋ na, sob nɛ za na mɩ́ bɔbr a, ʋ mɩ́ páw na. Sob nɛ za na kpàwrɛ a pan a, bɛ mɩ́ yuo ʋ na.

«A na ɩ à ŋá a, nɩr za na bɛrɛ wone a ƴɛ̀r-bie á ŋá ɩ̃ na ƴɛ̀r a ƴɛrɛŋa ɛ́ tuur a a, ʋ ŋmɛ̃ na taa nɩ yã-bãwnɛ na ŋmãa a ʋ yir kʋsɛ-pan zu a.

A na ɩ lɛ a, bom nɛ za nyɩ na bɔbr k'aa nɩbɛ ɩrɛ a nyɩ zie a, nyɩ mɩ̀ ɩrɛ a bɛ zie: a Wulu na be a Moyiir wulu sɛbɛ pʋɔ nɩ a naaŋmɩn-ƴɛ̀r-manbɛ sɛbr pʋɔ a n'ɩ à ŋà.»

Ɛcɛ a nyɔ-vʋʋrʋ dɩ̃dɔr ɩ n fɩɩra, ɛ́ a ʋ sɔ́r kpɛmɛ, ɛ́ nɩbɛ blãlɛ n'a mɩ́ nyɛ̃ ʋ.»

«Nyɩ tu a dɩ̃dɔ-fɩɩra ƴãw kpɛ. Bʋ̃ʋ n'ʋ vɛ̃, a bɔrʋ dɩ̃dɔr yɛlmɛ na, ɛ́ a ʋ sɔ́r ɩ mɔlɛ, ɛ́ nɩ-yaga nɛbɛ tuur ʋ.

A nyɩɩm na ɩ nɩ-faar a, nyɩmɛ wa bãw bʋ̃-vɩɛlɩ mɩ́ kʋ̀ a nyɩ bibiir a, ŋmɩŋmɩn za n'a a nyɩ Sãà na be a tẽ-vla pʋɔ a, kʋ̃ kʋ̀ bʋ̃-vɩɛlɩ zuo lɛ, a bɛlɩ dem na zɛlɛ ʋ a?

«Nyɩ taa bãwnɛ nɩr kãw za yele ɩ, ɛ́ a Naaŋmɩn mɩ̀ kʋ̃ bãw a nyɩ dem ɛ. A lɛ nyɩ na sɩrɩ bãwnɛ a nyɩ taabɛ yele a, lɛ n'a a Naaŋmɩn mɩ̀ na bãw a nyɩ dem kʋ̀ nyɩ. A bʋ̃-mána ʋl nyɩ na tɛr manɛ nɩ a, ʋlɛ n'ʋ ʋ mɩ̀ na man nɩ kʋ̀ nyɩ.

Ɛ́ nɩr za na bɛrɛ wone a ƴɛ̀r-bie á ŋá ɩ̃ na ƴɛ̀r a ƴɛrɛŋa ɛ́ bɛ tuur a, ʋ ŋmɛ̃ na taa nɩ dãbol na ŋmãa a ʋ yir biire zu a.

Bʋ̃ʋ n'ʋ so fʋ jɩ́rɛ a sawle na be a fʋ yɛb mimirí a, ɛ́ nɩ̃ɛ bɛ nyɛ̃ a wɛw na be a fʋ dem pʋɔ a? Ŋmɩŋmɩn n'a fʋ na tʋ̃ɔ́ yel a fʋ yɛb: “Ɩ ɩ̃ ír sawle bɛr a fʋ mimirí”, ɛ́ wɛw nɩ̃ɛ be a fʋ dem pʋɔ?

«Nyɩ gùre nyɩ tʋɔra a naaŋmɩn-ƴɛ̀r-man-bɛlɛbɛlɛ mɩnɛ ƴãw. Bɛ mɩ́ sɔwl'ɩ bɛ tʋɔra ɩ mɛ̃ pi-nyan a, waar a nyɩ zie, ɛcɛ a bɛ pʋ̃ɔmɩ bɛ ɩ wɛ-bà-karɩ. A bɛ ɩ-ɩrɩ zie n'a nyɩ na bãw bɛ. Ãa dãw pɔr divɛ̃ tɩɩr wɔmɛ gɔ-tɩɛ zu, bɩɩ pɔr kãkamɛ sãsã tɩɛ zu?

Tɩ-vla za mɩ́ wɔ̃ n wɔ̃-vɩɛlɩ, ɛ́ tɩ-sãwna wɔ̃ wɔ̃-faar.

Tɩ-vla kʋ̃ tʋ̃ɔ́ wɔ̃ wɔ̃-faar ɛ, ɛ́ tɩ-sãwna mɩ̀ kʋ̃ tʋ̃ɔ́ wɔ̃ wɔ̃-vɩɛlɩ ɛ.

Tɩɛ nɛ za na bɛ wɔnɛ wɔ̃-vɩɛlɩ a, bɛ mɩ́ cɛ ʋ na lɔb ƴãw vũumí.