Popular Bible Verses from Matie 24

Share

Nɩ-yaga nɔ̃wfʋ na ɓãá na, a faalʋ na na kɛrɛ dɔwlɛ cere a ƴãw. Ɛcɛ sob nɛ na na ƴãw fãw tɩ ta a baarʋ daar a, na nyɛ̃ nɩ a faafʋ.

A Naaŋmɩn Naalʋ Yel-nʋ̃ɔ̀ ŋa na hier'a tɔ a tẽ-daa za, k'aa ʋ dãsɩɛ tʋ̃ɔ́ dɩ a nɩ-bʋʋr-yoru za zie. Lɛn daar'a a baarʋ daar pãa na ta.»

Nyɩ na wone nɩ zɛbr na zɛbr pɩɛlɩ a gɔmɛ, ɛ́ wone bɛ ƴɛ̀rɛ zɛbr na zãá a ƴɛ̀rʋ. Nyɩ ta sàw pʋ̀lá vʋ̃ɔnɛ nyɩ ɛ. A fɛr'a k'aa ta, ɛcɛ a cãà kʋ̃ ɩ a tẽw baarʋ n'a ɩ.

Tẽw ŋa na mɩ́ ŋmãa nɩ nɩ tẽw ŋa zɛbr, nãà ŋa na mɩ́ ír'a taw tuori nãà ŋa. Kɔ̃ nɩ tẽsɔw kɔbr damnʋ na be n ziir a mɩnɛ. A yele á ŋá za na ɩ na mɛ̃ 'wɔbrʋ na mɩ́ tĩ 'wɔbr pɔw a dɔwfʋ daar a.

A salom nɩ a tẽw na tɔl'a, ɛcɛ a ɩ̃ ƴɛ̀rʋ bɛ be za na tɔl ɛ.»

Nɩ-yaga na sɩrɩ na wa yel kɛ́ a mãa yúor ƴãw n'a, wa yere: “Mãa n'ɩ a Nɩ-kabra”, ɛ́ bɛ na tuli nɩ nɩ-yaga.

A lɛn daar, bɛ na nyɔw nyɩ na tɩr kɛ́ bɛ dɔwrɩ nyɩ, bɛ na kʋ nyɩ na. A nɩ-bʋʋr-yoru na hɩ̃ɛn nyɩ nɩ a ɩ̃ yúor ƴãw. A lɛn daar, nɩ-yaga na faa na lo a bɛ naaŋmɩn-sàw-deb pʋɔ. Bɛ na nyɔwr'ɩ taa tɩrɛ, bɛ na hɩ̃ɛn nɩ taa. Naaŋmɩn-ƴɛ̀r-man-bɛlɛbɛlɛ mɩnɛ na yi na bɛ tɛr vuo ɩ, ɛ́ tuli nɩ-yaga.

A Yeezu tɩ sɔw na yel bɛ: «Nyɩ gù nyɩ tʋɔra vla nɩr za taa wa tule nyɩ ɛ.

Alɛ so, a nyɩɩm mɩ̀ a, nyɩ cɔbrɩ gùre, a tɛm ʋl nyɩ na bɛ bãw a n'ʋ a Nɩsaal Bie na wa.»

A na ɩ lɛ a, nyɩ bɛr gʋ̃ɔ, nyɩ na bɛ bãw a ʋlɩ bibir a nyɩ Sore na na wa a ƴãw.

«Ɛcɛ nɩr za bɛ bãw a ʋlɩ bibir nɩ a ʋlɩ tɛm nɛ a yele á ŋá za na na ta a ɩ: a salom zu malkɩ mɩnɛ tɛɛ za bɛ bãw ɛ, a Naaŋmɩn Bie tɔr za bɛ bãw ɛ, nɩsaal za bɛ bãw ɛ, ʋ bɛ ɩ a Naaŋmɩn Sãà yõ ɩ.

Naaŋmɩn nɩ-kabr-bɛlɛbɛlɛ mɩnɛ nɩ naaŋmɩn-ƴɛ̀r-man-bɛlɛbɛlɛ mɩnɛ na yi na maalɛ nɔ-ɓãa-yel-bɛrɛ nɩ yel-bãw-guuri, alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri tɛɛ za.

A lɛ a yele na tɩ ŋmɛ̃ a Nowe daar a, lɛ n'a a mɩ̀ na ŋmɛ̃ a Nɩsaal Bie waa daar. A kʋ̃ɔ-paalʋ-kpɛ̃ɛ na bɛ tɩ ta sɛr a, a nɩbɛ tɩ dɩrɛ na, ɛ́ nyúur, ɛ́ kule pɔwbɛ, ɛ́ tɩrɛ a bɛ pɔwyaar bɛ kule, tɩ ta n a ʋlɩ bibir a Nowe na kpɛ a gbor-kpɛ̃ɛ pʋɔ a. Bɛ bɛ tɩ bãwnɩ yel ɛ, ɛ́ tɩ ta a lɛn daar a kʋ̃ɔ-paalʋ-kpɛ̃ɛ na wa tuo bɛ za a. À ŋá n'a a mɩ̀ na ŋmɛ̃ a Nɩsaal Bie waa daar.