Popular Bible Verses from Matie 18

Share

Zie nɛ za nɩbɛ ayi bɩɩ nɩbɛ ata na ɓã taa a ɩ̃ yúor ƴãw a, ɩ̃ be n a bɛ sɔgɔ.»

«Ɩ̃ mɩ̀ cãà na lɛb yere kʋ̀rɛ nyɩ, a tẽw zu ka a, nɩbɛ ayi a nyɩ pʋɔ wa wõ taa zɛlɛ bom a, a ɩ̃ Sãà na be a tẽ-vla pʋɔ a, na kʋ̀ bɛ na.

A Yeezu tɩ bʋɔl'ɩ bi-cãpile wa ƴãw a bɛ sɔgɔ, ɛ́ yel: «Yel-mɩŋa sɩza, ɩ̃ yere na kʋ̀rɛ nyɩ, nyɩmɛ bɛ wa lɩɛbɩ a nyɩ ɩb ŋmɛ̃ mɛ̃ a bibi-cãpili a, nyɩ kʋ̃ kpɛ a tẽ-vla Naalʋ pʋɔ ɩ.

Lɛ so, ʋlɩ sob na siwre ʋ tʋɔra ŋmɛ̃ mɛ̃ a bi-cãpile ŋa a, ʋlɛ n'ʋ ɩ kpɛ̃ɛ zuo a bɛ za a tẽ-vla Naalʋ pʋɔ.

Ɛ́ sob nɛ na de a bi-cãpile ŋa tɔ sob a ɩ̃ yúor ƴãw a, a mãa tɔr za n'ʋ ʋ mɩ̀ de.»

«Yel-mɩŋa sɩza, ɩ̃ yere na kʋ̀rɛ nyɩ, bom nɛ za nyɩ na na 'lẽ a tẽw zu ka a, mɩ̀ na 'lẽ nɩ a tẽ-vla pʋɔ, ɛ́ bom nɛ za nyɩ na na cɛ̀r bɛr a tẽw zu ka a, mɩ̀ na cɛ̀r'ɩ a tẽ-vla pʋɔ.»

A Yeezu tɩ yel'a ƴãw pʋɔ: «À ŋá n'a a ɩ̃ Sãà na be a tẽ-vla pʋɔ a, mɩ̀ na ɩrɛ nyɩ, a nyɩ kãw za bɛ mɩ̀ wa dɩ suur kʋ̀ a ʋ yɛb nɩ a ʋ pʋɔ za a.»

«Ɛcɛ sob nɛ za na ɩrɛ a bibi-cãpili bɛ ŋa kãw na sàw de m a, ʋ lore yel-bier pʋɔ a, bɛlɛ 'lẽ kʋsɛ-kpɛ̃ɛ ƴãw a ʋ kɔkɔrɩ́, ɛ́ dáa ʋ lɔb ƴãw kʋ̃ɔ-kpɛ̃ɛ pʋɔ a, alɛ sa.

Nyɩ tɩɛr'ɩ ŋmɩn? Nɩr wa tɛr píir kʋba (100), ɛ́ a pɛ́rʋ been wa bɔr a, ʋ kʋ̃ bɛr a kʋba for bir al a tãw zu ɛ́ cen tɩ bɔ a ʋl na bɔr a ɩ?