Popular Bible Verses from Ɩzayi 9

Share

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

Sore e, fʋ ɩ na a cɩlʋ laarɩ bɛ, fʋ ɩ na a bɛ nʋ̃ɔ̀ kpɛ kpɛ̃ɛ. Bɛ cɩlɛ nɩ a fʋ niŋé mɛ̃ kɔb bome bɛ na mɩ́ dier cɩlɛ nɩ a, mɛ̃ dɔ̃ dem na-bome bɛ na mɩ́ pone ŋmɩɛr'ɩ nʋ̃ɔ̀ cɛlsɩ a.

A Sore ƴɛ̀r'ɩ ƴɛ̀rʋ a Zakɔb bʋʋrɛ ƴãw, a ƴɛ̀rʋ lo n a Ɩsɩrayɛl naalʋ-tẽw zu.

Bʋ̃ʋ n'ʋ vɛ̃, bie dɔw nɩ a tɩ ƴãw, bɛ kʋ̀ tɩ nɩ bidɛb. Naaŋmɩn kʋ̀ ʋ nɩ a nɩ-kpɛ̃ɛnʋ. Bɛ por ʋ nɩ a yúor kɛ́: Yã-wule vla vla, Naaŋmɩn-Gãdaa, Sãà kʋralɛ, Ƴã-ɓaarʋ nãà.

A nɩbɛ na cere a lige pʋɔ a, nyɛ̃ nɩ cãà-kpɛ̃ɛ. Cãà nyɩwrɛ nɩ a bɛlɩ dem na kpɩɛr a lige tẽw a ƴãw.

A dàa na ɩ a dɔwrʋ bɛ na dɔwrɛ bɛ a bãwfʋ a, a dabɔl na vàrɛ a bɛ bawŋmamɛ a, a dakpuli-ŋmãa bɛ na ŋmɩɛr'ɩ bɛ a, fʋ kar a na bɛr, mɛ̃ a lɛ fʋ na tɩ ɩ a ʋlɩ bibir fʋ na zɛb tʋ̃ɔ́ a Madian tẽw dem a.

A dɔ̃ dem nafaw-kpowtɩɛ za na nɛbr a tẽsɔw ʋ gbiwre a, a kpar-bɛrɛ za na ɩ zɩ̃ɩ tɛwr a ɩ n bʋ̃-nyɩw-bɛra, vũu dɩ a na.