Popular Bible Verses from Ɩzayi 56

Share

À ŋá n'a a Sore yere: «Nyɩ ɩrɛ a lɛ-na-tu-sɔr-a, nyɩ tuur a mɩnʋ pùor. Bʋ̃ʋ n'ʋ vɛ̃, a faafʋ ɩ̃ na waar'ɩ a kʋ̃ yaa kɛ́ ta ɩ, ɛ́ nyɩ na nyɛ̃ na k'ɩ̃ɩ bɔbr'ɩ a nyɩ faafʋ.

Zu-nʋ̃ɔ̀ sob'ɩ a nɩr ʋl na ɩrɛ a lɛ ɩ̃ na yel a, a nɩr ʋl na tɛr ʋ kpɛ̃w kpɛ̃w za a, a nɩr ʋl na mɩ́ maal tɛr a pɩ̃ɛnʋ-bibir vla, ɛ́ bɛ sàw a ʋ nũu na tõ tõ-faa kãw za a!»

A sãanbɛ bɛl na tu a Sore pùor, kɛ́ bɛ ƴãwnɛ ʋ ɛ́ nɔnɛ ʋ, kɛ́ bɛ ɩ a ʋ tõ-tõ-biir a, a Sore yere nɩ à ŋá a bɛ ƴãw: «Bɛlɛ wa maal tɛr a ɩ̃ pɩ̃ɛnʋ-bibir vla a, bɛlɛ wa tu a ɩ̃ wõ-taa pùor a, ɩ̃ na ƴãw na bɛ wa a ɩ̃ tãw-sõw zu, ɩ̃ na ɩ na nʋ̃ɔ̀ kpɩɛr bɛ yaga za a yir ʋl pʋɔ a nɩbɛ na puore mɛ̃ a. Ɩ̃ na mɩ́ pɛlɩ nɩ pʋɔ de a bagɛ nɩ a de-kʋ̀b bome bɛ na kʋ̀rɛ mɛ̃ a bàwr-maal-kuur zu a. Bʋ̃ʋ n'ʋ vɛ̃, bɛ na bʋɔlɛ nɩ a ɩ̃ yir: “Puoru yir a nɩ-bʋʋrɛ za ƴãw”.»