Popular Bible Verses from Ɩzayi 30

Share

Alɛ wa fɛr kɛ́ nyɩ tu dʋrʋ bɩɩ gʋba a, nyɩ na wõ n ƴɛ̀r-bie á ŋá a nyɩ zikurí: «Nyɩ nyɛ̃ a sɔ́r a na fɛr kɛ́ nyɩ de a.»

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

À ŋá n'a a Sore Naaŋmɩn, a Ɩsɩrayɛl Naaŋmɩn na ɩ sõw a yere: Nyɩ na na lɛb wa a ɩ̃ zie a, nɩ nyɩ na na ɓãa nyɩ mɩŋa a, lɛ tɛwr'a nyɩ na nyɛ̃ a faafʋ. A nyɩ fãw tɛwr'ɩ nyɩ na na zɩ̃ zoom ɛ́ ƴãw a nyɩ tɩɛrʋ a ɩ̃ ƴãw a. Ɛcɛ nyɩ bɛ sàwr ɛ.

Nyɩmɛ wa be a kpɩɛrʋ pʋɔ a, a Sore na kʋ̀ nyɩ nɩ a bʋ̃-dɩrɩ. Nyɩmɛ wa nyɛrɛ dɔwrʋ a, ʋ na kʋ̀ nyɩ nɩ kʋ̃ɔ nyɩ nyũ. A sob nɛ na wule nyɩ a kʋ̃ lɛb sɔwlɩ ɛ, ɛ́ nyɩ na nyɛ̃ ʋ na nɩ a nyɩ mimie.

Nyɩɩm, Sɩyɔ̃ tẽw nɩbɛ ɛ, nyɩɩm na kpɩɛr a Zerizalɛm a, nyɩ kʋ̃ lɛb kõ ɩ. Nyɩmɛ wa kone cɔwr a Sore a, ʋ na wul nyɩ nɩ a ʋ nɔ̃wfʋ. Ʋlɛ wa dɛ wõ a nyɩ kon a, ʋ na sɔw nyɩ na.

A Sore yere na: Nyɛ̃ baw-bio na páw nyɩ a, nyɩɩm bibi-gaarɩ i! Nyɩ cɔbrɛ nɩ ɩb na bɛ yi a ɩ̃ zie a, kɛ́ nyɩ ɩ. Nyɩ maalɛ nɩ wõ-taar mãa na bɛ n'ʋ ƴãw nyɩ a tɩɛrʋ a. À ŋá n'a nyɩ mɩ́ maalɩ yel-bier dɔwlɩ yel-bier zu.